જુગાર રમવા મુદે ચાર શખસોએ યુવકના હાથ-પગ ભાંગી નાખ્યા

• લક્ષ્મીના ઢોળા પાસેનો બનાવ : યુવક સાથે અગાઉ થયેલા ઝગડાનો ખાર રાખી મારી નાખવાની ધમકી આપી હડધૂત કર્યો

વોઇસ ઓફ ડે રાજકોટ

રાજકોટમાં કાલાવડ રોડ પર લક્ષ્મીના ઢોળા પાસે એક યુવક સાથે અગાઉ જુગાર રમવા બાબતે માથાકૂટ થયાનો ખાર રાખી ચાર શખસોએ યુવકને ધોકા-પાઇપ વડે માર મારી તેના હાથ-પગ ભાંગી નાખી હડધૂત કરતાં યુનિવર્સિટી પોલીસે ગુનો નોંધ્યો છે

માહિતી મુજબ શહેરમાં કટારીયા ચોકડી પાસે રહેતા નિલેશભાઈ શાંતિભાઈ પરમારે નોંધાવેલી ફરિયાદમાં આરોપીમાં ભગા કોળી,હિતેશ કોળી,શક્તિ કોળી અને અજય બાવાજીનું નામ આપતા જણાવ્યું હતું કે,તેઓ તેમના મિત્ર સાથે લક્ષ્મીના ઢોળા પાસે દુકાને બેઠા હતા. ત્યારે આરોપીઓ બે વાહન પર ધોકા-પાઇપ સાથે ઘસી આવ્યા હતા.અને યુવકને ગાળો આપી અગાઉ જુગાર રમવા બાબતે થયેલા ઝગડાનો ખાર રાખી ધોકા વડે તૂટી પડયા હતા. તેમજ મારમારી તેમના હાથ-પગ ભાંગી નાખ્યા હતા.અને યુવકને મારી નાખવાની ધમકીઓ આપી હડધૂત કરી નાશી ગયા હતા. જેથી આ મામલે યુનિવર્સિટી પોલીસે એટ્રોસિટીની કલમો હેઠળ  ચાર સામે ગુનો નોંધી તેમની શોધખોળ હાથધરી છે.