શાંતિના અહેવાલથી શેરબજારમાં રેલી: સેન્સેક્સ 1695, નિફ્ટી 461 પોઈન્ટ ઉછળ્યા, રોકાણકારોને રૂ. 9.66 લાખ કરોડનો ફાયદો

મિડલ ઈસ્ટમાં અમેરિકા-ઈરાન વચ્ચે યુદ્ધકરાર નજીક હોવાના સમાચાર, ડોલર સામે રૂપિયાની મજબૂતાઈ અને ક્રૂડ ઓઇલના ભાવમાં ઘટાડાથી શુક્રવારે શેરબજારમાં જંગી તેજી જોવા મળી. સેન્સેક્સ ઈન્ટ્રાડેમાં 1700 પોઈન્ટ સુધી ઉછળી 75,608 પર પહોંચ્યો અને છેવટે 1695.40 પોઈન્ટના વધારા સાથે 75,527.95 પર બંધ રહ્યો. નિફ્ટી 50 પણ 450+ પોઈન્ટ ઉછળી 23,645.35ની ટોચે પહોંચ્યો અને 461.30 પોઈન્ટ વધી 23,622.90 પર બંધ રહ્યો. નિફ્ટી IT સિવાયના મોટાભાગના સેક્ટરલ ઈન્ડેક્સ લીલા નિશાનમાં રહ્યા. આ તેજીથી BSEની કુલ માર્કેટ કેપ રૂ. 9,66,538.35 કરોડ વધીને રૂ. 462 લાખ કરોડે પહોંચી. માર્કેટ બ્રેડ્થ પોઝિટિવ રહી – 3222 શેર વધ્યા, 1046 ઘટ્યા. જોકે FPIs/FIIએ કેશ સેગમેન્ટમાં રૂ. 1082 કરોડની ચોખ્ખી વેચવાલી કરી.