વૈશ્વિક યુદ્ધના ભયે શેરબજારમાં ભૂકંપ: સેન્સેક્સમાં 925 પોઈન્ટનો પ્રચંડ કડાકો, નિફ્ટી 23,100ની સપાટીએ
મિડલ ઈસ્ટમાં યુદ્ધની ઘેરી બનેલી શક્યતાઓની સીધી અસર ભારતીય શેરબજાર પર જોવા મળી છે, જેના કારણે આજે સોમવારે બજાર ખૂલતાં જ રોકાણકારોમાં ગભરાટ ફેલાયો હતો. સેન્સેક્સ ખૂલતાની સાથે જ એકઝાટકે 925 પોઈન્ટ તૂટ્યો હતો, જોકે બાદમાં આંશિક રિકવરી સાથે તે 800 પોઈન્ટના ઘટાડા સાથે 73,471.78ની સપાટી પર ટ્રેડ થઈ રહ્યો હતો. બીજી તરફ, નિફ્ટી પણ શુક્રવારના બંધથી સીધો 296 પોઈન્ટના કડાકા સાથે 23,070 પર સરકી ગયો હતો, જે સમાચાર લખવા સુધીમાં સામાન્ય સુધારા સાથે 23,134 પોઈન્ટની આસપાસ જોવા મળ્યો હતો.
