વડોદરાના ડભોઇમાં આજે એક મકાનમાં ગેસનો બાટલો ફાટ્યો, આગ પર કાબૂ મેળવ્યો

વડોદરાના ડભોઇમાં આજે એક રહેણાંક મકાનમાં ગેસનો બાટલો ફાટ્યો હોવાની ઘટના બની છે. મહુડી ભાગોળ વિસ્તારમાં આવેલા રહેણાંક મકાનમાં એક ગેસના બાટલામાં અચાનક આગ લાગી છે. જો કે ફાયર વિભાગને જાણ થતા ઘટનાસ્થળે પહોંચીને આગ પર કાબૂ મેળવ્યો હતો. ફાયર વિભાગે ગેસનો બાટલો ઘરની બહાર કાઢ્યો અને આગને ઓલવી હતી. ગેસનો બાટલો ફાટી જતા આસપાસના વિસ્તારમાં અફરાતફરી મચી ગઇ હતી. સદનસીબે ઘટનામાં કોઇ પણ જાનહાનિ થઇ નથી. મકાનમાં રહેતા લોકોનો આબાદ બચાવ થયો છે.