સુરેન્દ્રનગરના સાયલા પાસે હોટલની આડમાં કેમિકલ ચોરીનું કૌભાંડ: SMCનો દરોડો, 74.68 લાખનો મુદ્દામાલ કબજે
સુરેન્દ્રનગર જિલ્લાના સાયલા નજીક આવેલી તિરંગા હોટલના ગ્રાઉન્ડમાં ચાલી રહેલા કેમિકલ ચોરી કૌભાંડ પર સ્ટેટ મોનિટરિંગ સેલે છાપો મારી ૩૦ હજાર લીટરથી વધુનો જવલનશીલ પ્રવાહીનો જથ્થો પકડી પાડી ૭૪,૬૮,૩૦૦નો મુદ્દામાલ કબજે કર્યો છે. હોટલ પર રેકેટ ચલાવનારા અને સંડોવાયેલા શખસો સામે સાયલા પોલીસ મથકે ગુનો નોંધાવ્યો છે. જે રીતે હોટલ પર બેરલો ભરીને કેમિકલ, પેટ્રોલ, ડિઝલ કે આવા જ્વલનશીલ પ્રવાહીના જથ્થાનો સંગ્રહ થતો હતો છતાં સુરેન્દ્રનગર જિલ્લા એલસીબી ટીમ તેમજ સાયલા પોલીસ સ્ટાફ અંધારામાં રહી ગયા કે કેમ ? ભારે ચર્ચા જાગી છે. દરોડાના પગલે સ્થાનિક કોઈ પર એક્શન આવે તેવી સંભાવનાઓ છે.
સાયલા નજીક વખતપરના પાટિયા પાસે તિરંગા હોટલમાં હોટલની આડમાં બહારથી આવતા વાહનોમાંથી કેમિકલ કાઢી લઈ ચોરીનું ! કારસ્તાન ચાલતું હોવાની માહિતીના આધારે એસએમસી ડીવાયએસપી | કે.ટી. કામરિયાના માર્ગદર્શન હેઠળ પીઆઈ આર.કે. કરમટા તથા સ્ટાફે દરોડો પાડયો હતો. હોટલ કમ્પાઉન્ડ પરથી જી.જે.૩૯-૭૦૧૫ નંબરના ટેન્કર અને અન્ય બેરલોમાં ભરેલું ઔદ્યોગિક વપરાશમાં ઉપયોગમાં | લેવાતા ટોલ્યુન કેમિકલનો ૨૩,૧૬,૯૩૦ની કિંમતનો ૩૦,૦૯૦ લીટર | જથ્થો મળી આવ્યો હતો. ૫૦ લીટર સી-૯૦ કેમિકલ તેમજ ૩૯૦ | લીટર પેટ્રોલ તથા પર૦ લીટર ડીઝલનો જથ્થો હાથ લાગ્યો હતો.
સ્થળ પરથી ટેન્કર ઉપરાંત કેમિકલ હેરફેર માટેનું અન્ય એક | પિકઅપ વાન, ટૂ-વ્હિલર સાથે હોટલ પર રહેતા યુપીના સુલતાનપુરન આજમપુરના ધરમસીંગ રાજેશ બહાદુર સીંગ રાજપૂત (ઉ.વ.૩૪) |
મળી આવ્યો હતો. કેમિકલ હેરફેર માટેના ૧૯ બેરલ, ૨૯ કેરબા તેમજ કેમિકલ કાઢવા માટે ઈલેક્ટ્રીક મોટર, ૭૦૦ની રોકડ મળી ૭૪,૬૮,૩૦૦નો મુદ્દામાલ કબજે કરાયો હતો.
કેમિકલ ચોરી કાંડમાં આરોપી ધર્મસીંગ ઉપરાંત વખતપર ગામના કરશન લક્ષ્મણભાઈ, કનુ ઉર્ફે કાલુ ખીમાભાઈ, રઘુ વનાભાઈ બાંભા, ગોસલ ગામના વલકુ ઉર્ફે જકાભાઈ માત્રાભાઈ ખાચર, ટેન્કરના નાસી છૂટેલા ચાલક કમલેશ, બોલેરોના ચાલક તથા માલિક તથા ટૂ-વ્હિલર મુકીને ભાગેલા શખસ સામે ગુનો નોંધાવાયો છે.
ત્રણ દિવસ પહેલાં જ એસએમસી દ્વારા સાયલા વિસ્તારમાં એક અસામાજિક ઇસમની હોટલ તોડી પાડી છતાં આ જ વિસ્તારમાં તિરંગા હોટલમાં કેમિકલ ચોરીનું કૌભાંડ ધમધમતું હતું. સ્થાનિક પોલીસનો ડર નહીં હોય ? તેવો પ્રશ્ન કદાચ ઉદ્ભવતો હશે.
