બજેટમાં નિર્મલાએ કઈ રીતે ટ્રમ્પની માંગને સંતોષી છે ? શું કર્યું ? વાંચો

વડા પ્રધાન નરેન્દ્ર મોદીની અમેરિકા મુલાકાત પહેલા, ભારતે ડોનાલ્ડ ટ્રમ્પ વહીવટીતંત્ર સાથેના સંબંધોને વધુ ઊંચાઈએ લઈ જવા માટે પગલાં લીધાં છે. સરકારે સામાન્ય બજેટમાં કેટલીક એવી જાહેરાતો કરી છે જે ભારત અંગે ડોનાલ્ડ ટ્રમ્પ વહીવટીતંત્રની ચિંતાઓને દૂર કરી શકે છે.

સામાન્ય બજેટમાં, ભારતે કેટલીક મોટરસાયકલ અને કાર પર આયાત ડ્યુટી ઘટાડવાનો પ્રસ્તાવ મૂક્યો છે. આ મુજબ, વર્તમાન ૧૨૫ ટકા આયાત ડ્યુટી ઘટાડીને ૭૦ ટકા કરવાનું કહેવામાં આવ્યું છે. આ ઉપરાંત, બીજી ઘણી વસ્તુઓ પર એક્સાઇઝ ડ્યુટી ઘટાડવામાં આવી છે. તે સૌર કોષો, યાટ્સ અને અન્ય ઉત્પાદનો પર આયાત ડ્યુટી ઘટાડવાનો પ્રસ્તાવ મૂક્યો છે. સરકારે મોટા વાહનો અને પરિવહન માટેના વાહનો પર પણ ઇમ્પોર્ટ ડયુટી ઘટાડવાની બજેટમાં વાત કરી છે.

ડોનાલ્ડ ટ્રમ્પ તેમના સમગ્ર ચૂંટણી પ્રચાર દરમિયાન આ મુદ્દો જોરશોરથી ઉઠાવી રહ્યા હતા કે ભારત અને અન્ય દેશો અમેરિકન ઉત્પાદનો પર ખૂબ ઊંચી આયાત જકાત લાદે છે. આ કારણે અમેરિકાથી આ દેશોમાં થતી નિકાસ ઘટી રહી છે. ડોનાલ્ડ ટ્રમ્પે ઘણીવાર હાર્લી ડેવિડસન મોટરસાઇકલનું ઉદાહરણ આપ્યું છે. આ એક અમેરિકન બાઇક છે અને ભારતે તેના પર ભારે આયાત ડ્યુટી લાદી હતી.

જમ્મુ-કાશ્મીરને પણ રૂપિયા ૪૧ હજાર કરોડની સહાય જાહેર કરી

કેન્દ્રીય બજેટમાં, જમ્મુ અને કાશ્મીરને 41,000.07 કરોડ રૂપિયા ફાળવવામાં આવ્યા છે, જે નાણાકીય વર્ષ 2024-25 માટે સુધારેલા અંદાજની લગભગ બરાબર છે. આ ઉપરાંત જમ્મુ અને કાશ્મીર પોલીસને ૯,૩૨૫.૭૩ કરોડ રૂપિયા મળશે. વર્ષ ૨૦૨૪-૨૫માં પોલીસ માટે ૮,૬૬૫.૯૪ કરોડ રૂપિયાની જોગવાઈ કરવામાં આવી હતી. કલમ 370 નાબૂદ થયા પછી અને ભૂતપૂર્વ રાજ્યના પુનર્ગઠન પછી, જમ્મુ અને કાશ્મીર પોલીસ સીધી રીતે કેન્દ્રીય ગૃહ મંત્રાલય દ્વારા નિયંત્રિત છે.આ વખતે પોલીસને વધુ આધુનિક બનાવવામાટે જંગી ફાળવણી થઈ છે .