હવે કેલિફોર્નિયામાં પ્લેન ક્રેશ : વિમાન બિલ્ડિંગની છત સાથે અથડાયું, 2ના મોત અને 18 ઘાયલ
અમેરિકામાં વિમાન દુર્ઘટનાની ઘટના સામે આવી છે જેમાં અમેરિકાના કેલિફોર્નિયામાં એક નાનું પ્લેન બિલ્ડિંગની છત સાથે અથડાયું અને ક્રેશ થયું હતું. આ અકસ્માતમાં 2 લોકોનાં મોત થયા છે અને 18 લોકો ઘાયલ પણ થયા છે. હજુ સુધી મૃતકોની ઓળખ થઈ શકી નથી. પોલીસના પ્રવક્તા ક્રિસ્ટી વેલ્સે જણાવ્યું હતું કે, ઓરેન્જ કાઉન્ટી શહેરમાં ગુરુવારે બપોરે 2:09 વાગ્યે અકસ્માત થયો હતો. વેલ્સે જણાવ્યું કે ઘટનાસ્થળે પહોંચેલા ફાયર બ્રિગેડના જવાનો અને પોલીસની ટીમે આગને કાબૂમાં લીધી છે. આ ઉપરાંત, નજીકના વ્યવસાયિક સંસ્થાઓને પણ ખાલી કરાવવામાં આવી છે.
18 લોકો ઈજાગ્રસ્ત
માહિતી અનુસાર દક્ષિણ કેલિફોર્નિયામાં એક વિમાન ક્રેશ થવાની જાણકારી મળી રહી છે. સ્થાનિક મીડિયાએ કહ્યું કે આ એક નાનું વિમાન હતું જે ફર્નિચરના ગોડાઉન સાથે ટકરાઈ ગયું. જેના લીધે બે લોકો મૃત્યુ પામી ગયા જ્યારે 18 લોકો ઈજાગ્રસ્ત થયા હતા. આ ઘટનાના વીડિયો પણ સામે આવ્યા છે જેમાં ઈમારતની છત પરથી ધૂમાડાના ગોટેગોટા ઉડતાં દેખાઈ રહ્યા છે.
????BREAKING: A plane has crashed into a warehouse near Fullerton Airport in California. Casualties reported, and the fire department is on a 4-alarm response.
— Benny Johnson (@bennyjohnson) January 2, 2025
pic.twitter.com/KKAc2KfWEJ
ક્યારે સર્જાઈ વિમાન દુર્ઘટના ?
આ વિમાન દુર્ઘટના લગભગ 2:15 વાગ્યે સર્જાઈ હતી. દુર્ઘટનાની જાણકારી મળતાં જ ફાયરબ્રિગેડ અને ઈમરજન્સી રિસ્પોન્સ ટીમના સભ્યો ત્વરિત દોડી આવ્યા હતા અને રેસ્ક્યૂની શરૂઆત કરી હતી. દુર્ઘટના બાદ ઘટનાસ્થળે આગ ફાટી નીકળી હતી જેના લીધે ગોડાઉનને પણ નુકસાન થયું. અહીં સિલાઈ મશીન, કાપડનો સ્ટૉક મૂકી રાખવામાં આવ્યો હતો.
ઉડાન ભરતાં જ ટકરાયું…
પોલીસે જણાવ્યું કે ઈજાગ્રસ્તોને તાત્કાલિક ધોરણે નજીકની હોસ્પિટલમાં સારવાર અર્થે લઈ જવામાં આવ્યા હતા. મળતી માહિતી અનુસાર ફ્લાઈટ ટ્રેકિંગ વેબસાઇટે દાવો કર્યો હતો કે આ વિમાન ફોર સીટર હતું અને ઉડાન ભર્યાની એક જ મિનિટ બાદ તે ઈમારત સાથે ટકરાઈ ગયું હતું.
