મોદી સરકાર આયુષ્માન યોજનામાં શું કરવા જઈ રહી છે ? જુઓ

આયુષ્માન ભારત પ્રધાન મંત્રી જન આરોગ્ય (આયુષ્માન) યોજનાના અમલને પાંચ વર્ષ વીતી ગયા છે. અત્યાર સુધીમાં દેશના લગભગ 10 કરોડ લોકોને તેનો લાભ મળ્યો છે. 5 લાખ સુધીની મફત સારવારની સુવિધા આપતી આ યોજના ગરીબ વર્ગના લોકો માટે ખૂબ જ ઉપયોગી છે. તેથી, 5 વર્ષ પછી, સરકારે આ યોજનામાં મોટા ફેરફારોની તૈયારી કરી છે. મિડલ ક્લાસને પણ મફત સારવારનો લાભ અપાશે.

આવનારા સમયમાં આયુષ્માન યોજનાનો વ્યાપ અને તેની પેકેજ સિસ્ટમ સંપૂર્ણપણે બદલાઈ જશે. આ અંતર્ગત એવું માનવામાં આવે છે કે એક ચોક્કસ વય મર્યાદા પછી, અમીર અને ગરીબ દરેકને આ લાભ આપવામાં આવશે.

કેન્દ્રીય આરોગ્ય મંત્રાલયે આ યોજનામાં વધુ સુધારાની હિમાયત કરી છે. આ માટે નીતિ આયોગના સભ્ય (સ્વાસ્થ્ય) ડૉ. વી.કે. પૉલની અધ્યક્ષતામાં એક સમિતિની રચના પણ કરવામાં આવી હતી. આ કમિટી જલ્દી જ પોતાનો રિપોર્ટ અને ભલામણો સ્વાસ્થ્ય મંત્રાલયને સુપરત કરશે અને તેના આધારે પ્લાનમાં ફેરફાર માટે બ્લુ પ્રિન્ટ તૈયાર કરવામાં આવશે. એવો અંદાજ છે કે કમિટી ટૂંક સમયમાં પોતાનો રિપોર્ટ સોંપવા જઈ રહી છે.

શું બદલવાની તૈયારી
અનુમાન લગાવવામાં આવી રહ્યું છે કે હવે આયુષ્માન યોજના હેઠળ દેશની વધુને વધુ હોસ્પિટલોને જોડવામાં આવશે. નાના શહેરોની હોસ્પિટલોને પણ આમાં સામેલ કરવામાં આવશે, જેથી લોકોને ઝડપથી સારવારની સુવિધા મળી શકે. આ સિવાય યોજનાની પેકેજ સિસ્ટમમાં સુધારો કરવાની તૈયારીઓ ચાલી રહી છે. હાલમાં આ યોજના હેઠળ 5 લાખ રૂપિયા સુધીની મફત સારવાર આપવામાં આવી રહી છે, પરંતુ તેનો વ્યાપ પણ વધારી શકાય છે. એવું પણ અનુમાન લગાવવામાં આવી રહ્યું છે કે આ રેન્જ 7 થી 10 લાખ સુધી વધારી શકાય છે.