સેબીએ કોને આપી નોટિસ ? શું છે મામલો ? વાંચો

હવે માર્કેટ રેગ્યુલેટર પણ અમેરિકન શોર્ટ સેલર હિંડનબર્ગ રિસર્ચ અને અદાણી ગ્રુપ વચ્ચે આવી ગયું છે. હિન્ડેનબર્ગે જણાવ્યું હતું કે તેને 27 જૂને સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) તરફથી ‘ભારતીય નિયમોના શંકાસ્પદ ઉલ્લંઘનો’ને ટાંકીને ‘કારણ બતાવો’ નોટિસ મળી હતી અને આરોપ મૂક્યો હતો કે સેબીએ જાન્યુઆરી 2023નો અહેવાલ આવ્યા બાદ અદાણી જૂથને મદદ કરી હતી.

હિન્ડેનબર્ગે મંગળવારે એક બ્લોગ પોસ્ટમાં જણાવ્યું હતું કે, “ભારતીય બજારના સ્ત્રોતો સાથેની ચર્ચાઓમાંથી અમારી સમજણ એ છે કે અદાણીને સેબીની અપ્રગટ સહાય અમારા જાન્યુઆરી 2023ના અહેવાલના પ્રકાશન પછી તરત જ શરૂ થઈ ગઈ હતી.”

દલાલોને ધમકાવવાનો આરોપ
હિંડનબર્ગે જણાવ્યું હતું કે, ‘અમારા અહેવાલને પગલે, અમને કહેવામાં આવ્યું હતું કે પડદા પાછળ સેબીએ દલાલોને અદાણીમાં શોર્ટ પોઝિશન્સ બંધ કરવા માટે દબાણ કર્યું હતું અસરકારક રીતે ખરીદીનું દબાણ ઊભું કર્યું હતું અને નિર્ણાયક સમયે અદાણીના શેર માટે ‘ફ્લોર’ સ્થાપિત કર્યો હતો.

કંપનીએ કહ્યું કે ગયા વર્ષે સુપ્રીમ કોર્ટે રેગ્યુલેટરને આરોપોની તપાસ કરવા કહ્યું હતું, જે પછી સેબીએ અમારા રિપોર્ટની ઘણી મહત્વપૂર્ણ વિગતો સાથે સંમતિ બતાવી હતી બાદમાં સેબીએ કહ્યું કે તે વધુ તપાસ કરવામાં અસમર્થ છે.

અદાણી સેબીના ચેરપર્સનને મળ્યા હતા
ગૌતમ અદાણી 2022માં સેબીના ચેરપર્સન માધાબી પુરી બૂચને બે વાર મળ્યા હોવાનું ઉમેરતાં હિંડનબર્ગે જણાવ્યું હતું કે, ‘આ આત્મવિશ્વાસ કદાચ સેબી સાથેના અદાણીના સંબંધોને કારણે હોઈ શકે છે.’