સિંહની પજવણીનો વધુ એક વીડિયો વાયરલ : વનરાજાને શ્વાનની જેમ દોડાવ્યો
સિંહની પજવણીનો વધુ એક વીડિયો સોશિયલ મીડિયામાં વાઈરલ થતા ફરી એકવાર સિંહની સુરક્ષાને લઈ સવાલ ઉઠ્યો છે. સોશિયલ મીડીયામાં જે વીડિયો વાઈરલ થયો છે તે ગીરગઢડા વિસ્તારનું અનુમાન લગાડવામાં આવી રહ્યું છે જ્યાં સિંહની પાછળ વાહન દોડાવી પજવણી કરવામાં આવી હતું ત્યારે આ વિડીયો સામે આવ્યા બાદ વન વિભાગના સિંહોના જતનના દાવા પોકળ સાબિત થયા છે.
ફરી સિંહોને શ્વાનની જેમ દોડવી હફાવામાં આવ્યાનો વિડીયો વાઈરલ થયો છે. સિંહની પજવણીની ઘટના સામે આવતા વન વિભાગની કામગીરી પર ફરી સવાલો ઉઠીયા છે. વન વિભાગ સિંહોની જાળવણીમાં વામણુ પુરવાર થઇ રહ્યું હોય તેવું લાગી રહ્યું છે. આ વિડીયો ગીરગઢડાના ગામની સીમ ન હોવાનુ અનુમાન લગાડવામાં આવી રહ્યું છે.
ઈન્સ્ટાગ્રામ પર રીલ બનાવવાની ધેલછામાં અવાર નવાર સિંહોની પજવણી કરવામાં આવતી હોય છે ત્યારે ભૂતકાળમાં મુરઘી કાંડ જેવા બનાવો બાદ ફરી એકવાર ગુજરાતની અસ્મિતા અને ખાસ કરીને ગીરના ઘરેણાં સમાન સિંહો ને instaમાં રીલના નામે સિંહોની પજવણી કરવામાં આવી રહિ છે. ત્યારે ફરી એકવાર વનરાજાની પજવણીનો વિડીયો વાયરલ થતા વનવિભાગની કામગીરી પર અનેક સવાલો ઉઠ્યા છે.
