અમદાવાદ: પ્રધાનમંત્રી મોદીનું મંગળવારે નારી શક્તિ વંદન અભિનંદન કાર્યક્રમ સ્થળ પર ભવ્ય સ્વાગત થયું હતું. અહીં મોટી સંખ્યામાં લોકો એકઠા થયાં હતા. પીએમ મોદીએ પણ લોકોનું અભિવાદન કર્યું હતું. આ અવસર પર ગુજરાતના સીએમ ભૂપેન્દ્ર પટેલ પણ હાજર હતા.
પીએમ મોદીએ મંગળવારે સાંજે બે દિવસીય ગુજરાત પ્રવાસ પર અમદાવાદ પહોંચ્યા છે. એરપોર્ટ નજીક જ નારી શક્તિ વંદન-અભિનંદન કાર્યક્રમમાં સામેલ થયા હતા. આ અગાઉ તેમણે ખુલી જીપમાં સબાસ્થળ તરફ રોડ શો કર્યો, જેમાં હજારો લોકોએ તેમનું ભવ્ય સ્વાગત કર્યું હતું. પીએમ મોદી કાર્યક્રમ બાદ રાજભવન જશે અને ત્યાં જ રાત્રિ રોકાણ કરશે.
અમદાવાદમાં પીએમ મોદીએ કહ્યું કે, નારી શક્તિ વંદન અધિનિયમ મારી બહેનોના સપનાને પુરા કરવાની ગેરેન્ટી છે. તેમણે આ કાર્યક્રમમાં મહિલાઓને તેમની બહેનો કહીને સંબોધન કર્યું હતું.
