આવતીકાલે હૉકી વર્લ્ડકપમાં ભારત-પાકિસ્તાન વચ્ચે ટક્કર
આવતીકાલે બુધવારે હૉકી વર્લ્ડકપમાં ભારત-પાકિસ્તાન વચ્ચે મુકાબલો થશે. હરમનપ્રીતની આગેવાનીમાં ભારતે પહેલી મેચમાં વેલ્સ સામે જીત મેળવી જ્યારે ઈંગ્લેન્ડ વિરુદ્ધ પરાજય સહન કરવો પડ્યો હતો. જ્યારે પાકિસ્તાન-ઈંગ્લેન્ડ વચ્ચેની મેચ ડ્રો રહી હતી. ભારત ત્રણ પોઈન્ટ સાથે બીજા ક્રમે છે તો ઈંગ્લેન્ડની ટીમ આગલા રાઉન્ડમાં પહોંચી ગઈ છે. હવે ભારત, પાકિસ્તાન અને વેલ્સમાંથી કોઈ એક જ ટીમ આગલા રાઉન્ડમાં જશે એટલા માટે ભારત આજે જીતી જાય અથવા તો ડ્રો થાય તો પણ આગળના રાઉન્ડમાં પહોંચી જશે.
આ પણ વાંચો: રવિન્દ્ર જાડેજાએ બનાવ્યો `હિમાલય’ જેવો રેકોર્ડ
પાકિસ્તાન હૉકી વર્લ્ડકપ ઈતિહાસનો સૌથી સફળ દેશ છે જ્યારે ભારતીય ટીમ હૉકીમાં સૌથી વધુ ઓલિમ્પિક મેડલ જીતનારી ટીમ છે. ભારતીય ટીમનું ફોર્મ છતાં તેનું પલડું ભારે છે. આ પહેલાં ભારતે લંડનમાં પ્રો-લીગના યૂરોપિય રાઉન્ડમાં પાકિસ્તાનને કારમો પરાજય આપ્યો હતો. એકંદરે પાકિસ્તાને ભારતને ૨૦૧૬માં ચેમ્પિયન્સ ટ્રોફીમાં હરાવ્યું હતું. આ પછી ૧૦ વર્ષથી ભારત `અજેય’ છે. આ મેચ આજે સાંજે ૬:૩૦ વાગ્યાથી શરૂ થશે જેનું પ્રસારણ સ્ટાર સ્પોર્ટસ સિલેક્ટ-૨ ઉપરાંત ડીડી સ્પોર્ટસ ઉપર થશે.
