રવિન્દ્ર જાડેજાએ બનાવ્યો `હિમાલય’ જેવો રેકોર્ડ
વન-ડેમાં ૨૦૦૦ રન, ૨૦૦+ વિકેટ
ટી-૨૦માં ચાર હજાર રન અને ૨૦૦થી વધુ વિકેટ
ટેસ્ટમાં ૪૦૦૦ રન અને ૩૫૦ વિકેટ લેનારા એકમાત્ર ક્રિકેટર
રવિન્દ્ર જાડેજાએ ટેસ્ટ ફોર્મેટમાં ૪૦૦૦ રન અને ૩૫૦થી વધુ વિકેટ પૂર્ણ કરી લીધી છે. જ્યારે વન-ડેમાં બે હજાર રન, ૨૦૦+ વિકેટ અને ટી-૨૦માં પણ ચાર હજાર રન અને ૨૦૦થી વધુ વિકેટ છે. આ સાથે જ ત્રણેય ફોર્મેટમાં આ પ્રકારનું પ્રદર્શન કરનાર રવિન્દ્ર જાડેજા એકમાત્ર ક્રિકેટર છે. એકંદરે ત્રણેય ફોર્મેટમાં રવિન્દ્ર જાડેજાના આંકડા સુધી પહોંચવું હિમાલય ચડવા જેવું કપરું કામ છે.
રવિન્દ્ર ટેસ્ટ ક્રિકેટમાં સૌથી ઝડપી ૨૦૦ વિકેટ લેનારા ડાબા હાથના બોલર બન્યા અને ૧૯૯૩માં અનિલ કુંબલે બાદ આઈસીસી વન-ડે રેન્કીંગમાં નંબર વન બનનારા ભારતીય બોલર બન્યા હતા.
રવિન્દ્ર જાડેજા ૩૫૦ વિકેટ લેનારા પાંચમા ભારતીય બોલર બન્યા છે. ભારત માટે સૌથી વધુ વિકેટ લેવાનો રેકોર્ડ અનિલ કુંબલેના નામે છે જેમણે ૬૧૯ વિકેટ મેળવી છે. આ પછી આર.અશ્વિન (૫૩૭), કપિલ દેવ (૪૩૪), હરભજનસિંહ (૪૧૭) છે. જ્યારે રવિન્દ્ર જાડેજા પાંચમા ક્રમે છે. ડાબોડી સ્પીનર તરીકે રવિન્દ્ર જાડેજા ત્રીજા ક્રમે છે. આ યાદીમાં પ્રથમ ક્રમે રંગના હેરાથ ૪૩૩ વિકેટ સાથે પ્રથમ અને ડેનિલ વિટોરી ૩૬૨ વિકેટ સાથે બીજા નંબરે છે.
આ પણ વાંચો: શેખર ટુનાઇટમાં અભિનેતા વિક્રાંત મેસીએ કર્યો ખુલાસો
એટલુ જ નહીં ટેસ્ટ ક્રિકેટના ૧૪૮ વર્ષના ઈતિહાસમાં ચાર હજાર રન અને ૩૫૦ વિકેટ લેનારા માત્ર ચોથા ખેલાડી છે. તેના પહેલાં આ કારનામું કપિલ દેવ, ઈયાન બોથમ અને ડેનિયલ વિટોરીએ કર્યું છે.
