સતત ત્રીજા દિવસે સોનામાં 1500 અને ચાંદીમાં 8500નો ઉછાળો
વાયદા બજારમાં સોનુ ૧,૫૧,૦૦૦ને પાર: ચાંદી ૨,૩૩,૬૦૦ પર પહોંચી
યુધ્ધના વાદળો હટતા બુલિયન માર્કેટમાં તેજીનો કરંટ જોવા મળી રહ્યો છે. બીજીબાજુ ચાઈનાએ મોટાપાયે સોનાની ખરીદી શરૂ કરતા ગોલ્ડ માકેર્;ટમાં આગઝરતી તેજી જોવા મળી રહી છે. ગઈકાલે સોનામાં ૪૦૦૦નો ઉછાળો જોવા મળ્યા બાદ આજે પણ રૂા.૧૫૦૦ના ઉછાળા સાથે વાયદા બજારમાં સોનુ ૧,૫૧,૦૦૦ પર પહોંચી ગયું છે. જ્યારે ચાંદીમાં પણ આજે ૮૫૦૦નો મોટો ઉછાળો જોવા મળતા ચાંદી ૨,૩૩,૬૨૩ પર પહોંચી ગઈ છે.
અમેરિકા-ઈરાન વચ્ચે લાંબા સમયથી ચાલી રહેલા યુધ્ધનો અંત આવ્યો છે. બન્ને દેશો વચ્ચે યુધધ વિરામ પર વાતચીત શરૂ થઈ છે જેની અસર વૈશ્વિક બજારોમાં જોવા મળી રહી છે. યુધ્ધના વાદળો હટતા ક્રુડતેલમાં મોટો કડાકો બોલી ગયો છે. જ્યારે બુલિયન માર્કેટમાં તેજીનો કરંટ જોવા મળ્યો છે.
આ પણ વાંચો: મોરબી નજીક બંધ ફેક્ટરીમાંથી શંકાસ્પદ 804 બેગ યુરિયા ખાતરનો જથ્થો ઝડપાયો
સતત ત્રણ દિવસથી સોના અને ચાંદીમાં મોટા ઉછાળા જોવા મળી રહ્યા છે. અધુરામાં પુરૂ ચાઈનાએ પણ ડોલરને નબળો પાડવા માટે મોટાપાયે ગોલ્ડની ખરીદી શરૂ કરી દેતા બુલિયન માર્કેટની તેજીને વધુ ટેકો મળ્યો છે.
ગઈકાલે સોનામાં ૪૦૦૦ના ઉછાળા સાથે વાયદા બજારમાં સોનુ ૧,૫૦,૦૦૦ પર પહોંચી ગયા બાદ આજે ઉઘડતી બજારે સોનુ ૧૫૦૦ના ઉછાળા સાથે ૧,૫૧,૬૦૦ નજીક પહોંચી ગયું છે. જ્યારે હાજરમાં સોનુ ૧,૫૩,૯૩૦ પર જોવા મળ્યું છે.
ચાંદીમાં ગઈકાલે નાના ઉછાળા જોવા મળ્યા બાદ આજે એકસાથે ૮૫૦૦ના ઉછાળા સાથે ચાંદી પણ ૨,૩૩,૬૨૩ પર પહોંચી ગઈ છે. વાયદા બજારમાં ચાંદી ગઈકાલે ૨,૨૫,૮૩૬ પર બંધ જોવા મળી હતી.
