8માં પગાર પંચમાં પગાર 31% થી 68% સુધી વધી શકે

દેશના કરોડો કેન્દ્રીય કર્મચારીઓ અને પેન્શનરો માટે ખુશખબર! 8મા પગાર પંચની ભલામણો હજુ આવવામાં એક વર્ષ બાકી છે, પરંતુ અનુમાનિત ગણતરીઓએ અત્યારથી જ બજાર ગરમ કરી દીધું છે. જો અનુમાનિત ફિટમેન્ટ ફેક્ટર મુજબ ગણતરી કરવામાં આવે તો કેન્દ્રીય કર્મચારીઓના ગ્રોસ પગારમાં 31% થી લઈને 68% સુધીનો મોટો વધારો થઈ શકે છે. જાણો આ ગણિતની પાછળનું આખું સમીકરણ.

8મા પગાર પંચની તૈયારીઓ શરૂ, ફિટમેન્ટ ફેક્ટર ચર્ચાનો મુદ્દો 

કેન્દ્ર સરકારે ગયા વર્ષે નવેમ્બર 2025માં 8મા પગાર પંચની રચના કરી હતી. પંચ 2026માં સક્રિય થઈ ચૂક્યું છે. વર્ષના પહેલા 6 મહિનામાં પંચનું સત્તાવાર પોર્ટલ લોન્ચ થઈ ગયું છે અને કર્મચારી સંગઠનો સાથે ચર્ચાની બેઠકો પણ શરૂ થઈ ગઈ છે.

હાલ સૌથી મોટી ચર્ચા ફિટમેન્ટ ફેક્ટરની છે.

– કેન્દ્રીય કર્મચારીઓની મુખ્ય સંસ્થા NC-JCM દ્વારા 8મા પગાર પંચ પાસે 3.833 ના ફિટમેન્ટ ફેક્ટરની માગ કરવામાં આવી છે.

– પરંતુ આર્થિક નિષ્ણાતોનું માનવું છે કે આંકડો વધુ છે. મોટાભાગના તજજ્ઞોના મતે પંચ 2.0 થી 2.25 ની વચ્ચે ફિટમેન્ટ ફેક્ટર નક્કી કરી શકે છે.

આ પણ વાંચો: વડોદરા સુધી પહોંચ્યું જૈશ-એ-મોહમ્મદનું નેટવર્ક: ATSએ એમ્બેસેડર હોટલમાં આતંકી સાથે કરી રી-કન્સ્ટ્રક્શન

 31% થી 68% સુધી વધારો શક્ય: BankBazaarનું અનુમાન 

બેંકબજારના તાજેતરના અનુમાન મુજબ, જો 8મું પગાર પંચ 2.0 થી 2.57 ની રેન્જમાં ફિટમેન્ટ ફેક્ટર નક્કી કરે તો પણ લેવલ 1 થી લેવલ 18 સુધીના તમામ કેન્દ્રીય કર્મચારીઓની ગ્રોસ સેલરીમાં 31% થી 68% સુધીનો વધારો થઈ શકે છે.

પગાર વધારાનો આધાર શું છે? 

કર્મચારીઓનો પગાર માત્ર બેઝિકથી નથી બનતો. તેમાં બેઝિક સેલરી + DA + HRA + TPTA અને અન્ય ભથ્થાનો સમાવેશ થાય છે. અન્ય ભથ્થા કર્મચારીના પદ, જોખમ અને પોસ્ટિંગના સ્થળ પર આધારિત હોય છે. ઉપરાંત તે સમયે અમલમાં રહેલો મોંઘવારી ભથ્થાનો DA દર પણ કુલ વધારાની ટકાવારી નક્કી કરે છે. એટલે જ વધારે ફિટમેન્ટ ફેક્ટર હોવા છતાં કુલ પગારમાં ટકાવારી વધારો ઓછો-વધુ થઈ શકે છે.

અગાઉના પગાર પંચનો રેકોર્ડ શું કહે છે? 

ભૂતકાળના પગાર પંચના આંકડા જોઈએ તો ફિટમેન્ટ ફેક્ટર અને ગ્રોસ સેલરી વધારાનો સીધો સંબંધ નથી:

6ઠ્ઠા પગાર પંચમાં સૌથી મોટો 54%નો વધારો થયો હતો, જ્યારે 7મા પગાર પંચમાં ફિટમેન્ટ ફેક્ટર 2.57 હોવા છતાં વધારો માત્ર 14.29% જ રહ્યો હતો.

મહત્વની નોંધ: હાલ આ તમામ આંકડા માત્ર અનુમાન અને ગણતરીઓ પર આધારિત છે. 8મા પગાર પંચની સત્તાવાર ભલામણો આવ્યા બાદ જ અંતિમ આંકડો નક્કી થશે.