યુદ્ધના સમાચાર વચ્ચે સોનામાં કડાકો: 10 ગ્રામ સોનું 1.43 લાખની નીચે, ચાંદી પણ લપસી 

પશ્ચિમ એશિયામાં અમેરિકા-ઈરાન તણાવ વચ્ચે પણ સોનાના ભાવમાં ફરી એકવાર મોટો ઘટાડો નોંધાયો છે. વૈશ્વિક બજારમાં ક્રૂડ ઓઈલ મોંઘુ થતા રોકાણકારોનું સેન્ટિમેન્ટ નબળું પડ્યું અને તેની સીધી અસર સોના-ચાંદી પર પડી. 9 જુલાઈની સવારે દિલ્હી અને મુંબઈ સહિત મોટાભાગના શહેરોમાં 24 કેરેટ અને 22 કેરેટ સોનું સસ્તું થયું છે. સાથે જ ચાંદીના ભાવમાં પણ એક સપ્તાહમાં 10 હજાર રૂપિયાનો ઘટાડો જોવા મળ્યો છે.

મેટ્રો શહેરોમાં સોનાના ભાવ 

9 જુલાઈની સવારના રેટ મુજબ દેશના મોટા શહેરોમાં સોનાના ભાવ આ મુજબ છે:

– દિલ્હી: 24 કેરેટ સોનું ₹1,43,270 પ્રતિ 10 ગ્રામ. 22 કેરેટ સોનું ₹1,31,340 પ્રતિ 10 ગ્રામ 

– મુંબઈ, ચેન્નાઈ, કોલકાતા: 24 કેરેટ ₹1,43,120 પ્રતિ 10 ગ્રામ. 22 કેરેટ ₹1,31,190 પ્રતિ 10 ગ્રામ 

– અમદાવાદ, સુરત, રાજકોટ: 24 કેરેટ ₹1,43,170 પ્રતિ 10 ગ્રામ. 22 કેરેટ ₹1,31,240 પ્રતિ 10 ગ્રામ 

આંતરરાષ્ટ્રીય બજારમાં હાજર સોનાનો ભાવ $4,056.24 પ્રતિ ઔંસ પર ટ્રેડ થઈ રહ્યો છે.

આ પણ વાંચો: અમદાવાદને મળી હાઈટેક RTO ભેટ: 17 વિભાગ એક જ છત નીચે

ચાંદીમાં પણ ઘટાડાનો દોર યથાવત 

સોનાની સાથે ચાંદીના ભાવ પણ લપસ્યા છે. 9 જુલાઈએ ચાંદીનો ભાવ ₹2,44,900 પ્રતિ કિલોગ્રામ નોંધાયો. ગયા અઠવાડિયે 6 જુલાઈએ તે ₹2,49,900 હતો. એટલે કે માત્ર 3 દિવસમાં ચાંદી 5,000 રૂપિયા સસ્તી થઈ. ગયા અઠવાડિયે ચાંદીમાં 10,000નો વધારો આવ્યો હતો. 

આંતરાષ્ટ્રીય બજારમાં હાજર ચાંદી $58.61 થી $62.47 પ્રતિ ઔંસની રેન્જમાં ટ્રેડ થઈ રહી છે.

ભાવ ઘટવાનું કારણ શું? 

બજારના નિષ્ણાતોના મતે પશ્ચિમ એશિયામાં વધતા તણાવ વચ્ચે ક્રૂડ ઓઈલના ભાવ વધ્યા છે. જેના કારણે રોકાણકારોનું વલણ નબળું પડ્યું અને નફારૂપી વેચવાલી જોવા મળી. સોના-ચાંદીના સ્થાનિક ભાવ આંતરાષ્ટ્રીય બજાર, ડોલરનો દર, આયાત ડ્યુટી અને સ્થાનિક માંગ-પુરવઠા પર આધારિત હોય છે.

ખરીદદારો માટે તક 

સત ઘટી રહેલા ભાવના કારણે લગ્ન સિઝન અને તહેવારો પહેલા ખરીદી કરનારાઓ માટે આ સારી તક ગણી શકાય. જોકે ભૂ-રાજકીય તણાવને કારણે ભાવમાં ફરી તેજી આવવાની શક્યતા પણ નકારી શકાતી નથી.

નોંધ: ઉપરોક્ત ભાવ સરાફા બજાર અને IBJAના રેટના આધારે છે. અલગ-અલગ શહેરોમાં મેકિંગ ચાર્જ અને GST ના કારણે ભાવમાં થોડો ફેરફાર થઈ શકે છે.