ચીખલી 4 કલાકમાં 8 ઈંચથી તરબતર, ગણદેવી પણ 6 ઈંચથી જળબંબાકાર

ચોમાસાએ દક્ષિણ ગુજરાતમાં ધમાકેદાર એન્ટ્રી મારી છે. નવસારી જિલ્લામાં આજે સવારે જ મેઘરાજાએ એવી તોફાની બેટિંગ કરી કે ચીખલી અને ગણદેવી પાણી પાણી થઈ ગયા. માત્ર 4 કલાકમાં ચીખલીમાં 8 ઈંચથી વધુ વરસાદ ખાબકતા નીચાણવાળા વિસ્તારો બેટમાં ફેરવાઈ ગયા છે.

સવારે 6 થી 10: ચીખલી-ગણદેવીમાં અનરાધાર

સ્ટેટ ઇમરજન્સી ઓપરેશન સેન્ટરના આંકડા કહે છે કે આજે સવારે 6 થી 10 વાગ્યા સુધીમાં નવસારી જિલ્લામાં મેઘરાજાએ મન મૂકીને હેત વરસાવ્યું. સૌથી વધુ અસર ચીખલી તાલુકામાં જોવા મળી જ્યાં માત્ર 4 કલાકમાં 204 મીમી એટલે કે 8.03 ઈંચ વરસાદ પડ્યો. ચીખલીની પાછળ ગણદેવી પણ બાકાત ન રહ્યું અને ત્યાં 169 મીમી એટલે કે 6.65 ઈંચ વરસાદ નોંધાયો. આ બંને તાલુકામાં રૌદ્ર સ્વરૂપે વરસેલા વરસાદથી નીચાણવાળા વિસ્તારોમાં જળબંબાકારની સ્થિતિ સર્જાઈ છે.

આ પણ વાંચો: દેશમાં ઇલેક્ટ્રિક વાહનોનું વેચાણ રેકોર્ડ ઝડપથી આગળ વધે છે: પાછલા વર્ષમાં દર મહિને 2 લાખ વાહન વેચાયા

6 થી 10 વાગ્યા સુધીનો વરસાદ: 

છેલ્લા 24 કલાકનો ચિતાર:

જનજીવન પર અસર અને ખેડૂતોમાં ખુશીચીખલી અને ગણદેવીમાં પડેલા ભારે વરસાદને કારણે જનજીવન અસ્તવ્યસ્ત બન્યું છે. નીચાણવાળા વિસ્તારોમાં પાણી ભરાયા છે અને વાહન વ્યવહારને અસર પહોંચી છે. બીજી તરફ નદી નાળામાં નવા પાણીની આવક થતા ખેતરોને જીવતદાન મળ્યું છે. લાંબા સમયથી વરસાદની રાહ જોતા ખેડૂતોમાં આ મેઘમહેરથી આનંદની લહેર છવાઈ ગઈ છે.