રેકોર્ડ`વીર’ વૈભવે 11 બોલમાં ફટકારી ફિફટી

ચોગ્ગા-છગ્ગાથી જ 50 રન પૂર્ણ કર્યા

શ્રીલંકા-એ વિરુદ્ધ મેચમાં વૈભવ સૂર્યવંશીએ તોફાની પ્રદર્શન કરીને માત્ર 11 બોલમાં ફિફટી પૂર્ણ કરી વિશ્વ રેકોર્ડ બનાવ્યો હતો. ઈન્ડિયા-એ વતી લિસ્ટ-એ ક્રિકેટમાં અત્યાર સુધીની સૌથી ઝડપી ફિફટીનો રેકોર્ડ હવે વૈભવ સૂર્યવંશીના નામે નોંધાયો છે. માત્ર એટલુ જ નહીં વૈભવે લિસ્ટ-એ ક્રિકેટમાં સૌથી ઝડપી ફિફટી લગાવવાનો 20 વર્ષ જૂનો રેકોર્ડ પણ તોડ્યો હતો. વૈભવ પહેલાં આ રેકોર્ડ શ્રીલંકાના કૌશલ્યા વીરારત્નેના નામે નોંધાયેલો હતો.

કૌશલ્યા વીરારત્નેએ 2005માં રાગમા ક્રિકેટ ક્લબ વતી રમતા કુરુનેગલા યૂથ ક્રિકેટ ક્લબ વિરુદ્ધ 12 બોલમાં ફિફટી પૂર્ણ કરી હતી. વૈભવે મેચમાં ચોગ્ગા સાથે પોતાનું ખાતું ખોલ્યું હતું અને 11 બોલમાં પાંચ ચોગ્ગા અને પાંચ છગ્ગા લગાવીને 50 રન પૂર્ણ કર્યા હતા. ફિફટી બનાવ્યા બાદ વૈભવે સળંગ 64 રન બાઉન્ડ્રીથી જ બનાવ્યા હતા. વૈભવનો 65મો રન સિંગલના સ્વરૂપમાં બન્યો હતો.

આ પણ વાંચો: ‘સૂર્યપ્રકાશ’ અને ‘અંતરિક્ષ’ પર મુકેશ અંબાણીની ઐતિહાસિક સટ્ટાબાજી અને જિયોનો મેગા IPO!

ફિફટી પૂર્ણ કર્યા બાદ વૈભવ પોતાની સદી તરફ ઝડપથી આગળ વધી રહ્યો હતો પરંતુ 94 રનના સ્કોરે તેણેવિકેટ ગુમાવી હતી. વૈભવે 29 બોલનો સામનો કર્યો જેમાં 10 ચોગ્ગા અને આઠ છગ્ગા લાગ્યા હતા. વૈભવ ફરી છ રનથી પોતાની સદી ચૂકી ગયો હતો.

ઉલ્લેખનીય છે કે વૈભવ આ ફાઈનલ મુકાબલા પહેલાં યોગ્ય ફોર્મમાં ન્હોતો પરંતુ મહત્ત્વની મેચમાં તેણે ફોર્મ હાંસલ કરી શ્રીલંકા-એના બોલરોની ધજ્જીયા ઉડાવી દીધી હતી.