નેહરુનો રેકોર્ડ તોડ્યો : નરેન્દ્ર મોદી બન્યા સતત ૪૩૯૯ દિવસના શાસક

દેશભરમાં વિશેષ ઉજવણી :  વિકાસ, જનકલ્યાણના થીમ પર આધારિત, રાષ્ટ્રવ્યાપી મેગા અભિયાન ૨૧મી જૂન

સુધી ચાલશે: મંત્રીઓ, નેતાઓ પ્રગતિ-પથ યાત્રામાં જોડાશે, અનેક કાર્યક્રમો યોજાશે

દેશના રાજકીય ઇતિહાસમાં એક નવો સુવર્ણ અધ્યાય ઉમેરાયો છે અને વડાપ્રધાન મોદીએ દેશમાં સતત લાંબા સમય સુધી શાસન કરવાનો પંડિત નેહરુનો રેકોર્ડ તોડી નાખ્યો છે. નેહરુએ ૪૩૯૮ દિવસ સુધી સતત શાસન કર્યું હતું અને મોદીએ ૪૩૯૯ દિવસ પૂરા કરીને નવો રેકોર્ડ સ્થાપિત કરી દીધો છે. એમના પર દેશ-વિદેશથી અભિનંદનની વર્ષા થઇ રહી છે. કેન્દ્રમાં નરેન્દ્ર મોદીના નેતૃત્વ હેઠળની એનડીએ સરકારના ૧૨ વર્ષ પૂર્ણ થવાના પ્રસંગે, ભારતીય જનતા પાર્ટી દેશભરમાં વ્યાપક જનસંપર્ક અભિયાન ચલાવશે અને આ માટેનો રોડમેપ બની ગયો છે. `૧૨ વર્ષ વિશ્વના, વિકાસના, જનકલ્યાણના’ થીમ પર આધારિત, આ રાષ્ટ્રવ્યાપી મેગા અભિયાન ૫ જૂનથી શરૂ થયું છે જે ૨૧ જૂન સુધી યોજાઈ રહ્યું છે. આ અવસરને યાદગાર બનાવવા માટે કેન્દ્રના તમામ મંત્રીઓ અને ભાજપના નેતાઓ પ્રગતિ-પથ યાત્રામાં જોડાશે. ધાર્મિક સ્થળોની મુલાકાત લઈને વડાપ્રધાન માટે પ્રાર્થના કરશે. દેશભરમાં ઉજવણીનો તખ્તો ગોઠવી દેવાયો છે.

આ ખાસ ભાજપ અભિયાનની મુખ્ય વિશેષતાઓ છે. ઘરે ઘરે સંપર્ક અને `પ્રગતિ માર્ગ યાત્રા’ નીકળશે જેમાં ભાજપના મંત્રીઓ, સાંસદો અને નેતાઓ જોડશે. પાર્ટીના સાંસદો અને ધારાસભ્યો દરેક વિધાનસભા મતવિસ્તારમાં એક દિવસ વિતાવશે અને જનતા સાથે સીધો સંપર્ક કરશે અને ભારતીય જનતા પાર્ટી સરકારની સિદ્ધિઓ ધરાવતી પુસ્તિકાનું વિતરણ કરશે.

એ જ રીતે દરેક વિધાનસભા ક્ષેત્રમાં `પ્રગતિ માર્ગ યાત્રા’ પણ યોજાશે. જનજાગૃતિ શિબિરનું પણ આયોજન થશે. આ સમય દરમિયાન, આયુષ્માન ભારત, પીએમ સૂર્ય ઘર અને લખપતિ દીદી જેવી મુખ્ય યોજનાઓ માટે નોંધણી શિબિરો યોજાશે. વૃક્ષારોપણ કરવામાં આવશે અને આ કાર્યક્રમ ૨૧ જૂને આંતરરાષ્ટ્રીય યોગ દિવસ સાથે સમાપ્ત થશે.

આજે વડાપ્રધાનની એનડીએ નેતાઓ, મુખ્યમંત્રીઓ સાથે બેઠક

વડાપ્રધાન મોદીના નેતૃત્વ હેઠળની કેન્દ્ર સરકારના ૧૨ વર્ષ પૂર્ણ થવા પર ભાજપ કેમ્પમાં ઉત્સાહ વ્યાપી ગયો છે. આ તકે વડાપ્રધાન મોદી આજે દિલ્હીમાં મહા બેઠક કરવાના છે. જેમાં એનડીએના બધા જ નેતાઓ તથા એનડીએ-શાસિત ૨૨ રાજ્યોના સીએમ અને નાયબ સીએમ હાજરી આપશે. આ તકે વડાપ્રધાન કોઈ મહત્વની જાહેરાત પણ કરશે તેમ મનાય છે.

મોદીએ કહ્યું, ૧૨ વર્ષ ૧૪૦ કરોડ દેશવાસીઓના વિકાસને સમર્પિત

કેન્દ્રમાં તેમની સરકારના ૧૨ વર્ષ પૂર્ણ થવા પ્રસંગે વડાપ્રધાને જનકલ્યાણના કામ અને વિશ્વ મંચ પર ભારતના વધતા પ્રભાવની જાણકારી આપી. કેન્દ્રમાં તેમની સરકારના ૧૨ વર્ષ પૂર્ણ થવાના પ્રસંગે વડા પ્રધાન નરેન્દ્ર મોદીએ દેશવાસીઓને સંબોધન કર્યું. તેમણે કહ્યું કે ૧૨ વર્ષ શ્રદ્ધા, વિકાસ અને સમુદાય માટે સમર્પિત રહ્યા છે.

તેમણે કહ્યું કે ૧૪૦ કરોડ દેશવાસીઓના આશીર્વાદ અને `રાષ્ટ્ર પ્રથમ’ની ભાવનાથી સરકારે યુવાનો, મહિલાઓ, ખેડૂતો અને ગરીબોના સશક્તિકરણ માટે સતત કામ કર્યું છે, જેના કારણે ભારતે વૈશ્વિક મંચ પર એક નવી ઓળખ બનાવી છે. કેન્દ્રમાં તેમની સરકારના ૧૨ વર્ષ પૂર્ણ થવાના પ્રસંગે વડા પ્રધાન નરેન્દ્ર મોદીએ દેશવાસીઓને સંબોધન કર્યું. તેમણે કહ્યું કે ૧૨ વર્ષ શ્રદ્ધા, વિકાસ અને સમુદાય માટે સમર્પિત રહ્યા છે. તેમણે કહ્યું કે ૧૪૦ કરોડ દેશવાસીઓના આશીર્વાદ અને ‘રાષ્ટ્ર પ્રથમ’ની ભાવનાથી સરકારે યુવાનો, મહિલાઓ, ખેડૂતો અને ગરીબોના સશક્તિકરણ માટે સતત કામ કર્યું છે, જેના કારણે ભારતે વૈશ્વિક મંચ પર એક નવી ઓળખ બનાવી છે. પ્રધાનમંત્રીએ નવ મુખ્ય ક્ષેત્રોમાં સરકારની સિદ્ધિઓનો ઉલ્લેખ કર્યો: ગરીબ કલ્યાણ, મહિલા શક્તિ, રાષ્ટ્ર નિર્માણ, યુવા શક્તિ, આરોગ્ય, પ્રથમ રાષ્ટ્ર, ખેડૂત કલ્યાણ, મધ્યમ વર્ગ અને વારસો અને વિકાસ. તેમણે કહ્યું કે જનતાને સર્વોચ્ચ પ્રાથમિકતા આપીને, ૮૧ કરોડથી વધુ લોકોને દર મહિને મફત રાશન ઉપલબ્ધ કરાવવામાં આવી રહ્યું છે. આ ઉપરાંત, ૪ કરોડથી વધુ પ્રધાનમંત્રી આવાસ, ૧૦.૫ કરોડથી વધુ વીજળી ગેસ કનેક્શન અને ૧૨ કરોડ શૌચાલયોના નિર્માણ દ્વારા લાખો પરિવારોનું જીવન સરળ બનાવવામાં આવ્યું છે.