માઈક્રોસોફ્ટનું સર્વર ડાઉન થતા દુનિયાભરમાં અસર : મુંબઈ, દિલ્હીમાં વિમાન સેવા અવરોધાઈ

વિશ્વભરના ઘણા લોકોની વિન્ડોઝ સિસ્ટમ પર બ્લુ સ્ક્રીનની સમસ્યા છે. માઈક્રોસોફ્ટના સર્વર બંધ થવાના કારણે સમગ્ર વિશ્વમાં બેંકોથી લઈને એરલાઈન્સ સુધીની સેવાઓ ખોરવાઈ ગઈ છે. કંપનીના ફોર્મ પરના પિન મેસેજ મુજબ, ઘણા વિન્ડોઝ યુઝર્સ બ્લુ સ્ક્રીન ઓફ ડેથ (BSOD) એરર જોઈ રહ્યા છે.આ સમસ્યા તાજેતરના ક્રાઉડ સ્ક્રીમ અપડેટ પછી થઈ રહી છે. આ સમસ્યાથી મોટી સંખ્યામાં લોકો પ્રભાવિત થયા છે. માઇક્રોસોફ્ટે આ માહિતી આપી છે. શુક્રવારે સવારે તેમની ક્લાઉડ સેવાઓ ખોરવાઈ જવાને કારણે વિશ્વભરના ઘણા વિસ્તારોમાં સમસ્યા સર્જાઈ છે.જેના કારણે એરલાઈન્સની ફ્લાઈટને અસર થઈ છે. આ આઉટેજને કારણે ભારત અને અમેરિકા સહિત ઘણા દેશોમાં એરક્રાફ્ટ ફ્લાઇટ્સ પર અસર પડી છે.

શું તમે પણ સમસ્યાઓનો સામનો કરી રહ્યા છો ?

જો તમે પણ આ સમસ્યાથી પ્રભાવિત છો, તો કંપનીએ તેમાંથી બહાર નીકળવાના પગલાં પોસ્ટ કર્યા છે.

• વપરાશકર્તાઓએ પહેલા વિન્ડોઝને સેફ મોડ અથવા વિન્ડોઝ રિકવરી એન્વાયર્નમેન્ટમાં બુટ કરવું પડશે.

• આ પછી તેઓએ C:\Windows\System32\drivers\CrowdStrike ડિરેક્ટરીમાં જવું પડશે.

• આ પછી તેઓએ C-00000291*.sys ફાઈલ શોધીને કાઢી નાખવી પડશે.

• છેલ્લે તમારે તમારી સિસ્ટમને સામાન્ય રીતે પુનઃપ્રારંભ કરવી પડશે.

ભારત અને અમેરિકા સહિત વિશ્વના ઘણા દેશોમાં હવાઈ સેવા ઠપ્પ થઈ ગઈ છે. માઈક્રોસોફ્ટના સર્વરમાં સમસ્યાના કારણે ફ્લાઈટ સેવાઓ પ્રભાવિત થઈ છે. ઘણી કંપનીઓના વિમાનો ઉડી શકતા નથી. ભારતમાં દિલ્હી, મુંબઈ અને બેંગ્લોર એરપોર્ટ પર ફ્લાઈટ્સ સમય કરતાં પાછળ ચાલી રહી છે. આ તકનીકી સમસ્યાઓ બાદ ભારત સરકારે માઇક્રોસોફ્ટનો સંપર્ક કર્યો છે. ઘણા દેશોની સરકારોએ ઈમરજન્સી બેઠક બોલાવી છે. માઈક્રોસોફ્ટ સર્વર ડાઉનના કારણે ઈન્ડિગો સ્ટાફ હૈદરાબાદ એરપોર્ટ પર ફ્લાઈટ્સ માટે બોર્ડિંગ પાસ હાથથી લખે છે તો દિલ્હી એરપોર્ટ પર ફ્લાઈટ્સ 35 મિનિટ અને મુંબઈ એરપોર્ટ પર 40 મિનિટ મોડી ચાલી રહી છે.

Our systems are currently impacted by a Microsoft outage, which is also affecting other companies. During this time booking, check-in, access to your boarding pass, and some flights may be impacted. We appreciate your patience.

— IndiGo (@IndiGo6E) July 19, 2024

સ્પાઈસજેટ, ઈન્ડિગો અને અકાસા એરલાઈન્સે પણ આવી જ ટેકનિકલ સમસ્યાઓનો ઉલ્લેખ કર્યો છે. ઈન્ડિગો અને સ્પાઈસ જેટ જેવી એરલાઈન્સનું કહેવું છે કે સર્વરની સમસ્યાને કારણે સેવાઓ બંધ છે. એરપોર્ટ પર ચેક-ઈન અને ચેક-આઉટ સિસ્ટમ ઠપ્પ થઈ ગઈ છે. બુકિંગ સેવાને પણ અસર થઈ છે. માત્ર એરલાઈન્સ જ નહીં પરંતુ ઘણા દેશોમાં બેંકિંગ સેવાઓ, ટિકિટ બુકિંગ અને સ્ટોક એક્સચેન્જને પણ અસર થઈ છે.

#ImportantUpdate: We are currently experiencing technical challenges with our service provider, affecting online services including booking, check-in, and manage booking functionalities. As a result, we have activated manual check-in and boarding processes across airports. We…

— SpiceJet (@flyspicejet) July 19, 2024

સાયબર સિક્યોરિટી પ્લેટફોર્મ CrowdStrikeમાં સમસ્યાઓના કારણે સેવાઓ પ્રભાવિત થઈ છે. CrowdStrikeએ તેની વેબસાઇટ પર એક નિવેદનમાં જણાવ્યું હતું કે તે ફાલ્કન સેન્સર સંબંધિત વિન્ડોઝ ક્રેશના અહેવાલોથી વાકેફ છે.તેની સૌથી વધુ અસર અમેરિકન એરલાઈન્સને થઈ છે. અમેરિકાના ઘણા ભાગોમાં ઈમરજન્સી સેવા 911ને પણ અસર થઈ છે. જેના કારણે નોન ઈમરજન્સી કોલ સેન્ટરની સેવાઓ પણ પ્રભાવિત થઈ છે.

અમેરિકા ઉપરાંત ઓસ્ટ્રેલિયા અને જર્મનીમાં પણ બેન્કિંગ, ટેલિકોમ, મીડિયા આઉટલેટ્સ અને એરલાઈન્સની સેવાઓને અસર થઈ છે. ઓસ્ટ્રેલિયાના નેશનલ સાયબર સિક્યોરિટી કોઓર્ડિનેટરનું કહેવું છે કે શુક્રવારે બપોરે દેશની ઘણી કંપનીઓની સેવાઓ મોટા પાયે પ્રભાવિત થઈ છે.

બ્રિટનમાં ટીવી ચેનલો, ટ્રેનો અને સ્ટોક એક્સચેન્જો બંધ

બ્રિટિશ ન્યૂઝ ચેનલ સ્કાય ન્યૂઝનું પ્રસારણ બંધ થઈ ગયું છે. ચેનલના એક્ઝિક્યુટિવ ચેરમેન ડેવિડ રોડ્સે જણાવ્યું હતું કે સ્કાય ન્યૂઝ ચેનલનું પ્રસારણ થઈ રહ્યું નથી. આ વિક્ષેપ બદલ અમે દિલગીર છીએ. બ્રિટનની રેલ સેવાઓ પણ ખોરવાઈ ગઈ છે. સમાચાર એજન્સી એપીની સેવાઓ પણ ખોરવાઈ ગઈ છે. ઈંગ્લેન્ડમાં હેલ્થ બુકિંગ સિસ્ટમ પણ ઠપ્પ થઈ ગઈ છે.

કયા દેશોની એરલાઇન્સને અસર થઈ ?

આ ટેકનિકલ સમસ્યાઓના કારણે જર્મનીના બર્લિન એરપોર્ટ પર તમામ ફ્લાઈટ સેવાઓ પ્રભાવિત થઈ છે. એરપોર્ટનું કહેવું છે કે સર્વરની ખામીને કારણે ચેક-ઇન સેવા કામ કરી રહી નથી.

• અમેરિકામાં અમેરિકન એરલાઇન્સ, ડેલ્ટા અને યુનાઇટેડ એરલાઇન્સ સહિત ઘણી મોટી એવિએશન કંપનીઓના પ્લેન ઉડાન ભરી શકતા નથી.
• યુરોપના સૌથી વ્યસ્ત એરપોર્ટ પૈકીના એક એમ્સ્ટરડેમના શિફોલ એરપોર્ટ પરની સેવાઓ પણ ઠપ થઈ ગઈ છે.
• ટર્કિશ એરલાઈન્સની સેવાઓ પણ ખોરવાઈ ગઈ છે,
• સિંગાપોર એરપોર્ટ પર મેન્યુઅલ ચેક-ઇન થંભી ગયું છે.
• હોંગકોંગ એરપોર્ટ પર ચેક-ઈન અને ચેક-આઉટ સેવાઓ પણ પ્રભાવિત થઈ છે.