શા માટે 21 જુને વિશ્વ યોગ દિવસ ઉજવવામાં આવે છે ? આ ઈતિહાસ, મહત્વ અને આ વર્ષની થીમ

આજે 21 જુન એટલે વિશ્વ યોગ દિવસ. યોગ પ્રાચીન ભારતે આધુનિક જગતને આપેલી અણમોલ ભેટ છે અને આખી દુનિયાએ યોગની મહત્વતાને સમજીને અપનાવી લીધો છે. દુનિયામાં કોઇ દેશ એવો નથી કે જ્યાં યોગનું શિક્ષણ અને તાલીમ આપનાર વર્ગો કે શિક્ષકો ન હોય. ત્યારે શું તમે જાણો છો કે 21 જૂને જ શા માટે યોગ દિવસ ઉજવવામાં આવે છે આંતરરાષ્ટ્રીય યોગ દિવસ, જાણો શું છે 2024ની થીમ ?

શા માટે આપણે 21મી જૂને યોગ દિવસ ઉજવીએ છીએ ?

તમારા મનમાં આ પ્રશ્ન અવશ્ય આવ્યો હશે કે યોગ દિવસની ઉજવણી માટે 21મી જૂનની તારીખ શા માટે પસંદ કરવામાં આવી છે. વાસ્તવમાં આ દિવસે યોગ દિવસ મનાવવા પાછળ એક ખાસ કારણ છે. 21 જૂનને વર્ષનો સૌથી લાંબો દિવસ માનવામાં આવે છે. જેને ગ્રીષ્મ સંક્રાંતિ પણ કહેવામાં આવે છે. આ દિવસ ઉત્તર ગોળાર્ધમાં સૌથી લાંબો દિવસ છે. આ પછી સૂર્ય દક્ષિણાયનમાં પ્રવેશ કરે છે. આ દિવસ યોગ અને આધ્યાત્મિકતા માટે ખૂબ જ ખાસ માનવામાં આવે છે. આ જ કારણ છે કે 21મી જૂનને આંતરરાષ્ટ્રીય યોગ દિવસ તરીકે ઉજવવાનું નક્કી કરવામાં આવ્યું છે.

યોગ દિવસનો ઇતિહાસ

21 જૂન 2015ના રોજ પ્રથમ વખત આંતરરાષ્ટ્રીય યોગ દિવસની ઉજવણી કરવામાં આવી હતી. સમગ્ર વિશ્વમાં લાખો લોકોએ એકસાથે યોગનો અભ્યાસ કર્યો. વડાપ્રધાન મોદીએ દિલ્હીના રાજપથ ખાતે આયોજિત યોગ કાર્યક્રમમાં પણ ભાગ લીધો હતો. 27 સપ્ટેમ્બર 2014 ના રોજ પ્રથમ વખત, સંયુક્ત રાષ્ટ્ર મહાસભામાં તેમના ભાષણમાં, વડા પ્રધાન મોદીએ આંતરરાષ્ટ્રીય યોગ દિવસની ઉજવણીનો પ્રસ્તાવ મૂક્યો હતો, જેને 11 ડિસેમ્બર 2014 ના રોજ સંયુક્ત રાષ્ટ્ર મહાસભા દ્વારા સ્વીકારવામાં આવ્યો હતો. અને દર વર્ષે સમગ્ર વિશ્વમાં 21મી જૂને યોગ દિવસ મનાવવાની જાહેરાત કરવામાં આવી હતી.

યોગનું મહત્વ શું છે ?

શારીરિક અને માનસિક સ્વાસ્થ્ય

યોગ દ્વારા શારીરિક અને માનસિક સ્વાસ્થ્ય સુધરે છે. શરીર સ્વસ્થ રહે છે અને રોગોથી સુરક્ષિત રહે છે. તે જ સમયે, જો તમે કોઈ રોગથી પીડિત છો, તો તેના નિવારણ માટે નિયમિત યોગ પણ અસરકારક છે.

સકારાત્મક જીવનશૈલી

યોગ તંદુરસ્ત અને સંતુલિત જીવનશૈલીને પ્રોત્સાહન આપે છે. ધ્યાન અને યોગ માનસિક શાંતિ આપે છે, જે હકારાત્મક વિચારો લાવે છે અને લોકોને સ્વસ્થ જીવનશૈલી અપનાવવા પ્રોત્સાહિત કરે છે.

સાંસ્કૃતિક એકતા

યોગ એ એક પ્રાચીન ભારતીય પરંપરા છે, જે હવે વૈશ્વિક સંસ્કૃતિનો ભાગ બની ગઈ છે. યોગ દ્વારા, દેશ-વિદેશના યોગીઓ એકબીજા સાથે જોડાય છે અને સાંસ્કૃતિક એકતાને પ્રોત્સાહન આપે છે.

આંતરરાષ્ટ્રીય યોગ દિવસ 2024ની થીમ

દર વર્ષે યોગ દિવસની વિશેષ થીમ હોય છે. આ વર્ષે યોગ દિવસની થીમ મહિલાઓ પર આધારિત છે. આંતરરાષ્ટ્રીય યોગ દિવસ 2024 ની થીમ ‘ Yoga for Self and Society’ છે.