નીટ પેપર લીક મામલે કયા નેતા આવ્યા આંટીમાં ? થયો મોટો ખુલાસો

નીટ પેપર લીક સાથે જોડાયેલા વધુ એક મોટા સમાચાર ગુરુવારે સામે આવ્યા હતા. બિહારના ડેપ્યુટી સીએમ વિજય સિન્હાએ આ મામલે મોટો ખુલાસો કર્યો હતો. બિહારના ડેપ્યુટી સીએમ વિજય સિન્હાએ નીટ પેપર લીક કેસમાં પ્રેસ કોન્ફરન્સ કરતી વખતે ખુલાસો કર્યો હતો કે રાજદ નેતા તેજસ્વી યાદવના ડેપ્યુટી સેક્રેટરી પ્રીતમ યાદવે નીટ પેપર લીક કેસના આરોપી સિકંદર માટે પટનામાં એક ગેસ્ટ હાઉસ બુક કરાવ્યું હતું. વિજય સિન્હાએ કહ્યું કે તેજસ્વી યાદવના પીએસ પ્રિતમ યાદવ અને આરોપી સિકંદર એકબીજાના સંબંધી છે.

વિજય સિંહાએ કહ્યું કે એનએચએ આઈ ગેસ્ટ હાઉસના મુદ્દાને લઈને મેં અધિકારીઓ સાથે બેઠક કરી છે. 1 મેના રોજ તેજસ્વી યાદવના ડેપ્યુટી સેક્રેટરી પ્રીતમ યાદવે એનએચ એઆઈ ઓફિસના એક્ઝિક્યુટિવ પ્રદીપ કુમારના મોબાઈલ નંબર 9430469924 પર રાત્રે 9.07 વાગ્યે તેમના મોબાઈલ નંબર 7488061813 પરથી ફોન કર્યો અને રૂમ બુક કરવાનું કહ્યું હતું તે દિવસે પ્રદીપ કુમારે સંજ્ઞાન ન લીધું, ત્યારબાદ 4 તારીખે તેમને ફરીથી મોબાઈલ 7488061813 પરથી બુકિંગ માટે કહેવામાં આવ્યું. પ્રીતમ યાદવે 4 મેના રોજ 3 વખત ફોન કર્યો હતો

પ્રેસ કોન્ફરન્સ દરમિયાન સિન્હાએ ઘરને બુક કરવા માટે પ્રીતમ કુમારે કરેલી કોલ ડિટેઈલ બતાવી. વિજય સિંહાએ કહ્યું કે પ્રીતમ કુમાર તેજસ્વીના પીએસ છે, તેથી બુકિંગમાં મંત્રી શબ્દનો ઉપયોગ કરવામાં આવ્યો હતો. લોકો ગેસ્ટ હાઉસમાં એલોટમેન્ટ લેટર વગર જ રહેતા હતા. વિજય સિંહાએ કહ્યું કે તેજસ્વી યાદવે સ્પષ્ટતા કરવી જોઈએ કે આજે પણ પ્રીતમ તેમના અંગત સચિવ છે અને સિકંદર યાદવેન્દુ સાથે તેમનો શું સંબંધ છે.