સાઉદી અરેબિયાએ હજ વિઝા અંગે શું કરી છે જાહેરાત ? વાંચો

સાઉદી અરેબિયા જતા ભારતીયો માટે ખરાબ સમાચાર છે. સાઉદી અરેબિયાએ આગામી હજ સીઝન પહેલા 14 દેશોના નાગરિકો માટે ઉમરાહ, બિઝનેસ અને ફેમિલી વિઝા પર અસ્થાયી રૂપે પ્રતિબંધ મૂક્યો છે. પ્રતિબંધોની યાદીમાં માત્ર ભારત જ નહીં પરંતુ કુલ ૧૪ દેશોના નામ છે.

પાકિસ્તાની ન્યૂઝ ચેનલ એઆરવાયએ રાજદ્વારી સૂત્રોને ટાંકીને જણાવ્યું છે કે આ પ્રતિબંધો જૂનના મધ્ય સુધી અમલમાં રહેશે. અસરગ્રસ્ત દેશોમાં ભારત, પાકિસ્તાન, બાંગ્લાદેશ, ઇજિપ્ત, ઇન્ડોનેશિયા, ઇરાક, નાઇજીરીયા, જોર્ડન, અલ્જેરિયા, સુદાન, ઇથોપિયા, ટ્યુનિશિયા અને યમનનો સમાવેશ થાય છે. જોકે, જેમની પાસે હજુ પણ ઉમરાહ વિઝા છે તેઓ ૧૩ એપ્રિલ સુધી સાઉદીમાં રહી શકે છે. પ્રશ્ન એ ઊભો થાય છે કે સાઉદી અરેબિયાએ આવું કેમ કર્યું?
ગેરકાયદે લોકોને રોકવાનો હેતુ
સાઉદી અરેબિયાના અધિકારીઓ આ પાછળ બે મુખ્ય કારણો જણાવે છે. પહેલું કારણ એ છે કે અનધિકૃત લોકો હજમાં ભાગ લઈ શકતા નથી, કારણ કે ઘણા લોકો મલ્ટીપલ-એન્ટ્રી વિઝા પર દેશમાં આવે છે અને હજ દરમિયાન આ ધાર્મિક કાર્યક્રમમાં ગેરકાયદેસર રીતે ભાગ લે છે. આના કારણે, ભીડ અને સુરક્ષા જોખમો વધ્યા. બીજું કારણ ગેરકાયદેસર રોજગાર છે. વાસ્તવમાં, લોકો બિઝનેસ અને ફેમિલી વિઝા દ્વારા સાઉદી પહોંચ્યા છે અને પરવાનગી વિના કામ કરે છે. આના કારણે, શ્રમ બજારમાં સમસ્યાઓ વધે છે. આમ હવે ભારતીય માટે ઘણી તકલીફ ઊભી થઈ શકે છે. જો કે વિઝા માટે કોઈ ખ સપીલ પણ થઈ શક્તિ નથી એનએ કોઈ બીજી જોગવાઈ પણ નથી.
કડક પગલાંની ચેતવણી
સાઉદી અરેબિયાના વિદેશ મંત્રાલયે એક નિવેદનમાં જણાવ્યું હતું કે, “હજ દરમિયાન મુસાફરીના નિયમોમાં સુધારો કરવા અને યાત્રાળુઓની સુરક્ષા સુનિશ્ચિત કરવા માટે આ કામચલાઉ પ્રતિબંધ લાદવામાં આવ્યો છે.” મંત્રાલયે અપીલ કરી છે કે જે દેશોના અસ્થાયી વિઝા પર પ્રતિબંધ મૂકવામાં આવ્યો છે તેમના મુસાફરોએ નિયમોનું કડક પાલન કરવું જોઈએ. અહેવાલો અનુસાર, જો મુસાફરો સાઉદી અરેબિયામાં ગેરકાયદેસર રીતે રહે છે, તો તેમને પાંચ વર્ષ માટે સાઉદી અરેબિયામાં પ્રવેશવાથી પ્રતિબંધિત કરી શકાય છે.