સુરતનો સૌથી ચકચારી કિસ્સો એટલે ગ્રીષ્મા હત્યાકાંડ જેમાં ફેનીલે ક્રુરતા પૂર્વક ગ્રીષ્માની હત્યા કરીને મોતને ઘાટ ઉતારી હતી. આજે પણ તે ઘટના યાદ કરતા લોકોના આંખના પલકારે આવી જાય છે ત્યારે એવી જ ઘટના સુરતમાં સામે આવી છે જેમાં યુવકે યુવતીને ગ્રીષ્માની જેમ મારી નાખવાની ધમકી આપતા પોલીસે તેના વિરુદ્ધ એક્શન લઈને તેની ધરપકડ કરી હતી.
આજકાલ ઈન્સ્ટાગ્રામ પર થતી મિત્રતા પણ જીવલેણ સાબિત થતી હોય છે તેમ આવી જ એક ઘટના સુરતના કતારગામની છે જ્યાં રત્નકલાકારની 22 વર્ષની પુત્રીને ઈન્સ્ટાગ્રામ થકી યુવક સાથે મિત્રતા થઈ હતી. રત્નકલાકાર જતીન કિશોર ગજેરા (ઉં.વ.22) સાથે મિત્રતા થયા બાદ બંનેએ એકબીજાના મોબાઈલ નંબરની આપ-લે કર્યા બાદ વ્હોટ્સએપ ઉપર વાત કરતાં હતાં. ત્યારબાદ યુવતી પાસેથી યુવકે ફોટા મંગાવ્યા હતા જે પછી યુવતીને લગ્નના ફોર્મ પર સહી કરવાની ફરજ પાડી હતી.
યુવતીને સુરતના કામનાથ મહાદેવ મંદિર પાસે બોલાવી યુવકે યુવતીને કોર્ટ મેરેજના ફોર્મ ઉપર સહી કરવા જણાવ્યું હતું. જેથી યુવતીએ ઈન્કાર કરતા ફોટા વાઇરલ કરવાની અને મારી સાથે લગ્ન નહીં કરે તો ‘હું ફેનિલનો ભાઈ જ છું, ગ્રીષ્માની જેમ તને પણ મારી નાંખીશ’ તેવી ધમકી આપી હતી. ત્યારે યુવતીએ યુવકની ધમકીથી ડરીને ફોર્મ પર સહી કરી હતી. જે બાદ બન્નેએ પડેલા ફોટા જતિને સોશિયલ મીડિયા પર વાયરલ કર્યા હતા.
ઈન્સ્ટાગ્રામમાં નંબરની આપ-લેથી લઈને લગ્નના ફોર્મ પર જબરજસ્તી સહી કરવાની ફરજ પાડનાર યુવક જાતિન આખરે પોલીસના સકંજામાં આવ્યો હતો. કોર્ટમેરેજના ફોટા સોશિયલ મીડિયામાં વાયરલ થતા સમગ્ર મામલો પ્રકાશમાં આવ્યો હતો અને જેથી યુવતીએ સમગ્ર બાબતની જાણ તેના કાકાને કરી હતી અને ફરિયાદ નોંધાવતા ચોકબજાર પોલીસે જતીનની ધરપકડ કરી તેને જેલ ભેગો કર્યો હતો.