હરણી દુર્ઘટનાની તપાસ માટે SITની રચના કરાઇ

૧૮ સામે સાપરાધ મનુષ્ય વધનો ગુનો દાખલ: ત્રણની ધરપકડ: વડોદરા મહાનગરપાલિકાના ટીપીઓનો ભાઇ જ કોન્ટ્રાકટર

વડોદરાની હરણી દુર્ઘટના મામલે પોલીસ કમિશનર દ્વારા જઈંઝની રચના કરવામાં આવી છે. ન્યૂ સનરાઈઝ સ્કૂલમાં અભ્યાસ કરતા વિદ્યાર્થીઓને પિકનિક માટે હરણી તળાવ ખાતે લઈ જવામાં આવ્યા હતા. જ્યાં બાળકોને બોટમાં મુસાફરી કરાવવામાં આવી રહી હતી. આ વેળાએ અચાનક બોટ પલટી મારી જતા બોટમાં સવાર ૫ વિદ્યાર્થી શિક્ષકો ડૂબ્યાં હતા. આ ઘટનામાં મૃત્યુ આંક ૧૭ થયો હતો. ૧૭ જિદગી હોમાઈ જતા આખું વડોદરા હિબકે ચડ્યું છે. પરિવારજના પોતાના સ્વજનને ખોયા ભારે આક્રંદ પણ જોવા મળી રહ્યો છે.

આ ઘટના બન્યા બાદ સીએમ ભૂપેન્દ્ર પટેલ અને ગૃહ રાજ્ય વિભાગના મંત્રી હર્ષ સાંધવી પણ ત્યાં પહોંચ્યા હતા. ઘટના સ્થળે પહોંચ્યા બાદ સીએમ દ્વારા સાંત્વના આપવામાં આવી હતી કે દુર્ઘટના પર કડડક પગલાં લેવા આવશે. જે મામલે અત્યાર સુધીમાં ૧૮ આરોપીઓ સામે ઈંઙઈની કલમ ૩૦૪, ૩૦૮ અને ૩૩૭,૩૩૮ અને ૧૧૪ હેઠળ ગુનો દાખલ કરાયો હતો અને ત્રણ લોકોની ઘરપકડ કરવામાં આવી છે.હરણી લેક ગોઝારી ઘટનામાં જ્યાં ઘટના બની તે વિસ્તાર સીલ કરી દેવામાં આવ્યો છે. ૧૫ ભૂલકાંઓ અને બે શિક્ષકો સહિત ૧૭ લોકોનાં મોત આ ગોઝારી ઘટનામાં પોલીસ કમિશનર અનુપમ સિહ ગહલૌત દ્વારા SITની રચના કરવામાં આવી છે. ઘટનાની તલસ્પર્શી તપાસ થાય તે માટે ઉચ્ચ અધિકારીઓની સાત સભ્યોની ટીમ બનાવવામાં આવી છે. આ ટીમમાં અધિકપોલીસ કમિશનર, ત્રણ ડીસીપી, એક અઈઙ, બે પીઆઈ તથા એક પીએસઆઈનો સમાવેશ થયો છે. આ દુર્ઘટના મામલે હરણી પોલીસ પાસેથી તપાસ લઈને જઈંઝને સોંપવામાં આવી છે. સરકારે પણ આ ગંભીર મામલે ઉચ્ચકક્ષાએ તપાસ કરાવવાનો નિર્ણય લીધો છે અને જિલ્લા મેજિસ્ટે્રટને વિગતવાર રિપોર્ટ આપવાનો આદેશ કર્યો છે. જેમાં કયા સંજોગોમાં અને કયા કારણોસર બનાવ બન્યો તેનો જવાબ આપવાનો રહેશે. આ ઉપરાંત અન્ય કેટલાક પ્રશ્નો પણ તેમાં સામેલ છે. ગુનાની તપાસ એસીપી ક્રાઈમ બ્રાન્ચને સોંપવામાં આવી છે. મુખ્ય કોન્ટ્રાકટર પરેશ શાહને પોતાના ભાઈને લઈને કોન્ટ્રાક્ટર મળ્યો હોવાનો ખુલાસો થયો છે.મહાપાલિકાના કોર્પોરેશનના ટીપી ઓફિસર તરીકે ગોપાલ શાહ કાર્યરત છે, અને તે પરેશ શાહના સગાભાઈ છે.

SITટીમના સભ્યો
૧. એડિશનલ પોલીસ કમિશ્નર મનોજ નિનામાને (અધ્યક્ષ)
૨. ડીસીપી ઝોન ૪ પન્ના મોમાયા (સુપરવિઝન અધિકારી)
૩. ડીસીપી ક્રાઈમ યુવરાજસિહ જાડેજા (સુપરવિઝન અધિકારી)
૪. અઈઙ ક્રાઇમ એચ એ રાઠોડ (તપાસ અધિકારી)
૫. હરણી ઙઈં – સી બી ટંડેલ – (સભ્ય)
૬. ક્રાઇમ બ્રાન્ચ ઙઈં – એમ એફ ચૌધરી – (સભ્ય)
૭. ક્રાઈમ બ્રાન્ચ ઙજઈં પી એમ ધાખડા – (સભ્ય)

કોની કોની સામે ગુનો નોંધાયો
મેસર્સ કોટીયા પ્રોજેકટના સંચાલકો, બીનીત કોટીયા, હિતેષ કોટીયા, ગોપાલદાસ શાહ, વત્સલ શાહ, દિપેન શાહ, ધર્મીલ શાહ, રશ્મિકાંત સી. પ્રજાપતિ, જતીનકુમાર હરીલાલ દોશી, નેહા ડી.દોશી, તેજલ આશિષકુમાર દોશી, ભીમસિગ કુડિયારામ યાદવ, વૈદપ્રકાશ યાદવ, ધર્મીન ભટાણી, નુતનબેન પી.શાહ, વૈશાખીબેન પી.શાહ, શાંતિલાલ સોલંકી, મેનેજર, હરણી લેકઝોન, અંકિત બોટ ઓપરેટર સામે ગુન્હો નોંધાયો છે.