બોલબાલા બન્યું વડીલો માટે ‘શ્રવણ’: અયોધ્યાથી ગોરખપુરની જાત્રા કરાવી

વડિલોનાં વિસામાં સમાં બોલબાલા ટ્રસ્ટ દ્વારા તાજેતરમાં 56 જેટલા સિનિયર સિટીઝનોને અયોધ્યાથી ગોરખપુર સુધીની ધાર્મિક યાત્રા કરાવી વડિલોનાં આશીર્વાદ મેળવ્યાં હતા.દર વર્ષે બોલબાલા ટ્રસ્ટ દ્વારા સિનિયર સીટીઝન સભ્યો માટે વિનામૂલ્યે ધાર્મિક પ્રવાસનું આયોજન કરવામાં આવે છે.એવી રીતે આ વર્ષે જયેશભાઇ ઉપાધ્યાય અને તેમની ટીમનાં માર્ગદર્શન હેઠળ 13 દિવસની જાત્રા સફળપૂર્વક પુરી થઇ હતી.આ યાત્રા દરમિયાન નેપાળ ખાતે ચંદ્રગિરિ પર્વતની કઠિન જાત્રામાં “વોઇસ ઓફ ડે” ની અનન્ય સેવા બદલ બોલબાલા પરિવાર દ્વારા “વોઇસ ઓફ ડે”નાં કૃણાલભાઈ મણીયાર અને મીરાબેન દોશી મણીયારનું સન્માન સાથે અભિવાદન કરાયું હતું.

આ પણ વાંચો : ટ્રાફીકમાં પ્રજાજનો ત્રસ્ત, ટ્રાફિક પોલીસ મોબાઈલમાં મસ્ત: રાજકોટના અલગ અલગ વિસ્તારની જુઓ તસવીરો

13 દિવસની યાત્રા પૂર્ણ કરી વડીલો રાજકોટ પરત ફર્યા

“વોઇસ ઓફ ડે”મીડિયાની મુલાકાત લઈ જયેશભાઇ ઉપાધ્યાયએ ધાર્મિક યાત્રાની પ્રસાદી અર્પણ કરી હતી. તે દિવસની આ યાત્રાનાં સંસ્મરણોને વાગોળી જયેશભાઈએ કહ્યું હતું કે,ઢળતી વયે જાત્રા માટે જાવું એ વડીલો માટે પડકારજનક બની જાય છે પણ મહાદેવનાં આશીર્વાદથી અમે રાજકોટથી 56 જેટલાં વડીલો સાથે યાત્રાનું પ્રસ્થાન કર્યું હતું.વડીલોની હેલ્થને લઈને ખાસ જમવા માટે રસોડું સાથે રાખ્યું હતું.રાજકોટથી અયોધ્યામાં હનુમાન ચઢી, વાલ્મિકી રામાયણ ભવન, શ્રી ચારધામ મંદિર, રામસેતુ પથ્થર દર્શન,સરયૂ સ્નાન અને મહાઆરતી, ત્યાંથી પ્રયાગરાજમાં ત્રિવેણી સ્નાન, કાશી વિશ્વનાથ મહાદેવ મંદિર કાશી વારાણસી, 84 ઘાટ દર્શન ,ગંગા આરતી કાલભૈરવ દાદા મંદિરમાં દર્શન, કાશી વારાણસીથી સોનાલી બોર્ડર, કાઠમંડુ જ્યાં પશુપતિનાથ મંદિર,સ્વયંભુનાથ મંદિર, બુદ્ધા નીલકંઠ મંદિર, ચંદ્રાગીરી પર્વત, ભાલેશ્વર મહાદેવ મંદિરે દર્શન કર્યા હતા.જ્યાં સૌથી વધુ ઉંચાઈએ આવેલાં ચંદ્રગીરી પર્વત પર કેબલ કારથી ત્યાં જવાય છે.

કઠિન એવી ચંદ્રગિરી તીર્થ સુધીની જાત્રા માટે “વોઇસ ઓફ ડે”ની અનન્ય સેવા,બોલબાલા દ્વારા સન્માન

આ સમયે આ જાત્રા માટેની વ્યવસ્થા “વોઇસ ઓફ ડે” એ કરી વડીલોને દર્શન કરાવ્યા હતા.આ યાત્રામાં ભાવિકોએ તમામ ધર્મસ્થાનો પર દર્શન,પૂજન કરી જાત્રા સાથે પ્રકૃતિ અને જોવાલાયક સ્થળો પર નિહાળ્યા હતા.કાઠમંડુથી પોખરા, ડેવિસ ફોલ,ફેવા લેક,ગોરખપુર મંદિર દર્શન કરી રાજકોટ પરત આવતાં નિર્વિઘ્ને જાત્રા પુરી થતાં વડિલોનાં ચહેરા પર ખુશીની અનુભૂતિની ઝલક જોવા મળી હતી.બોલબાલા ટ્રસ્ટ દ્વારા અનેક વર્ષોથી વડીલો માટે જાત્રાનું આયોજન થાય છે.હવે આગામી સમયમાં હરિદ્વાર ખાતે ભાગવત સપ્તાહનું દિવ્ય આયોજન કરાયું છે.

ઉપરોક્ત તસ્વીરમાં જયેશભાઇ ઉપાધ્યાયએ નેપાળમાં વડીલો માટે વ્યવસ્થા કરી આપવા બદલ કૃણાલભાઈ મણીયાર અને મીરાબેન દોશી મણીયારને રુદ્રાક્ષ અને ભગવાનની ફ્રેમ અર્પણ કરી અભિવાદન કર્યું હતું જે નજરે પડે છે…જ્યારે અન્ય તસ્વીરમાં જાત્રાનો આનંદ ઉઠાવતાં વડીલો નજરે પડે છે….