કિંગ ખાન હેલ્થ અપડેટ : શાહરૂખ ખાન હજુ પણ હોસ્પિટલમાં એડમિટ, જાણો ક્યારે આપશે રજા ?
ગુજરાત સહીત દેશના અનેક વિસ્તારોમાં સુરજદાદા અગ્નવર્ષા કરી રહ્યા હોય તેમ ગરમીનો પારો ઓછો થવાનું નામ લેતો નથી ત્યારે અમદાવાદમાં મેચ જોવા આવેલા બોલીવુડના કિંગ ખાનની તબિયત પણ ગરમીના કારણે બગડી ગઈ હતી. અમદાવાદના નરેન્દ્ર મોદી સ્ટેડિયમમાં મંગળવારે આઈપીએલની KKR અને સનરાઇઝર્સ હૈદરાબાદ વચ્ચે ક્વોલિફાયર મેચ રમાઈ હતી. ત્યારે પોતાની ટીમને સપોર્ટ કરવા સોમવારે અમદાવાદ આવેલા બોલિવૂડ એક્ટર શાહરુખ ખાનને લૂ લાગી જતાં ગઈકાલે બપોરે KD હોસ્પિટલ લઈ જવામાં આવ્યા હતા.
શાહરૂખ ખાનની તબિયત લથડતા પરિવાર જનો, ફ્રેન્ડસ અને ફેંસ બધા જ ચિંતામાં મુકાઇ ગયા હતા ત્યારે તે તમામ લોકો માટે સારા સમાચાર એ છે કે અભિનેતા શાહરુખ ખાનની તબિયત હાલ સ્થિર હોવાનું જાણવા મળી રહ્યુ છે. આજે શાહરુખ ખાનને હોસ્પિટલમાંથી રજા આપી શકે છે. તમામ રિપોર્ટ નોર્મલ આવ્યા બાદ શાહરુખને હોસ્પિટલથી રજા આપવામાં આવશે.
ગૌરી અને જૂહી શાહરૂખ પાસે પહોંચ્યા
બુધવારે બપોરે શાહરૂખને હોસ્પિટલમાં દાખલ કરાયા બાદ તેની પત્ની ગૌરી ખાન સાંજે તેને અમદાવાદ પહોંચી હતી. ગૌરીનો કેડી હોસ્પિટલ પહોંચવાનો વીડિયો સોશિયલ મીડિયા પર વાયરલ થયો હતો. શાહરૂખની નજીકની મિત્ર અને આઈપીએલ ટીમ કોલકાતા નાઈટ રાઈડર્સની કો-ઓનર જૂહી ચાવલા પણ તેને મળવા આવી હતી.
જો કે શાહરૂખ હજુ પણ હોસ્પિટલમાં દાખલ છે, પરંતુ તેની તબિયતમાં ઘણો સુધારો થઈ રહ્યો છે અને હાલ તેની તબિયત સ્થિર હોવાનું કહેવાય છે. શાહરૂખની તબિયત અંગે હોસ્પિટલ દ્વારા હજુ સુધી કોઈ સત્તાવાર બુલેટિન જારી કરવામાં આવ્યું નથી, પરંતુ માહિતી સૂચવે છે કે તેને આજે હોસ્પિટલમાંથી રજા આપવામાં આવશે.
