રાજકોટ TRP ગેમઝોન આગ દુર્ઘટના જેના પડઘા સમગ્ર વિશ્વમાં પડ્યા હતા. અગ્નિકાંડને લઈને વિવિધ ગેમઝોન બંધ કરવામાં આવ્યા હતા અને ફાયર NOC સહિત વિવિધ મુદ્દાઓ પર તપાસ શરૂ કરવામાં આવી હતી તેમજ હાલ પણ આ મુદ્દે કાર્યવાહી કરવામાં આવી રહી છે ત્યારે આજે રાજ્ય સરકાર દ્વારા ગેમીંગ એક્ટિવિટી માટેના નવા નિયમો જાહેર કરવામાં આવ્યા છે જેમાં ગેમીંગ એક્ટિવિટી એરિયા અને કોમર્શિયલ બાંધકામમાં ગેમીંગ એક્ટિવિટી એરિયા માટે અલગ જોગવાઈ બનાવાઇ છે તો ચાલો જાણીએ શું છે નવા નિયમો.
રાજકોટ TRP ગેમઝોન અગ્નિકાંડ બાદ હવે કોઈ આવી દુર્ઘટના ન ઘટે તે માટે ગેમીંગ એક્ટિવિટી માટે સરકાર નવા નિયમો જાહેર કર્યા છે. ગેમીંગ એક્ટિવિટી એરિયા અને કોમર્શિયલ બાંધકામમાં ગેમીંગ એક્ટિવિટી એરિયા માટે અલગ જોગવાઈ બનાવાઇ. રસ્તાની પહોળાઈ, મિનિમમ એરિયા, બાંધકામની ઊંચાઈ અંગે જોગવાઈ કરવામાં આવી છે. પાર્કિંગ, સલામતીના ઉપાયો તથા લેવાની થતી વિવિધ પ્રકારની NOCની જોગવાઈ કરવામાં આવી છે. અલગ અલગ એન્ટ્રી તથા એક્ઝિટની વ્યવસ્થા કરવી પડશે. ઇમરજન્સી એક્ઝિટ અને રેફ્યુજ એરીયાની વ્યવસ્થા પણ કરવી જરૂરી છે. BU સર્ટિફિકેટ, ફાયર NOC, તમામ લાયસન્સ, સર્ટિફિકેટ, પરમિટ વગેરે પ્રદર્શિત કરવા પડશે.
CGDCRમાં કઇ જોગવાઇઓ કરવામાં આવી
- ગેમિંગ એક્ટિવિટી એરિયાના બાંધકામ માટે રસ્તાની પહોળાઈ, મિનિમમ એરિયા, બાંધકામની ઊંચાઈ, પાર્કિંગ, સલામતીના ઉપાયો તથા લેવાની થતી વિવિધ પ્રકારની NOCની વિસ્તૃત જોગવાઈઓનો સમાવેશ થાય છે.
- સ્વતંત્ર ગેમિંગ એક્ટિવિટી માટેના પ્લોટમાં જાહેર સલામતીને ધ્યાને રાખીને અલગ અલગ એન્ટ્રી તથા એક્ઝિટ, ઇમરજન્સી એક્ઝિટ અને રેફ્યુજ એરીયાની જોગવાઇઓ ૫ણ કરવામાં આવી છે.
- ગેમિંગ ઝોન એક્ટિવિટીના સ્થળે BU સર્ટિફિકેટ, ફાયર NOC તથા અન્ય તમામ લાયસન્સ, સર્ટિફિકેટ, NOC, પરમિટ વગેરે પ્રદર્શિત કરવાના રહેશે એવુ પણ સ્પષ્ટ કરવામાં આવ્યું છે.
- આ નવા રેગ્યુલેશનમાં સુનિશ્વિત કરવામાં આવ્યું છે કે, અગાઉ મેળવેલ વિકાસ ૫રવાનગી/ બી.યુ. ૫રવાનગીવાળા બાંઘકામોમાં ઉ૫યોગ શરૂ કરતાં ૫હેલાં નવા રેગ્યુલેશન અનુસાર રિવાઇઝ્ડ ૫રવાનગી મેળવી લેવાની રહેશે.
- ૫રવાનગી વિના વ૫રાશ ચાલુ કર્યો હોય તો તેના માટે દંડ લેવાની જોગવાઇ પણ CGDCRના નવા રેગ્યુલેશન્સમાં કરવાના દિશાનિર્દેશો આપવામાં આવ્યા છે.
