ફ્રીમાં આધારકાર્ડ અપડેટ કરવાની તારીખ ફરી લંબાવાઈ : આ તારીખ સુધી કરી શકશો અપડેટ

આધારકાર્ડ આજે લોકોનો આધાર બની ગયું છે. આજે ડગલેને પગલે લોકોને આધાર કાર્ડની જરુર પડતી હોય છે ત્યારે જો તમારી પાસે પણ 10 વર્ષ જૂનું આધાર કાર્ડ છે અને તે આ સમયગાળા દરમિયાન એકવાર પણ અપડેટ કરવામાં આવ્યું નથી, તો સરકારે આવા આધારને અપડેટ કરવા માટે 14 જૂન, 2024ની તારીખ નક્કી કરી હતી. ગઈકાલે છેલ્લી તારીખ હતી પરંતુ તે પહેલા જ સરકારે તેમાં ફેરફાર કર્યો છે. હવે આધાર કાર્ડ ફ્રીમાં અપડેટ કરવાની છેલ્લી તારીખ 14 સપ્ટેમ્બર નક્કી કરવામાં આવી છે. આ ત્રીજી વખત છે જ્યારે સરકારે તેમાં ફેરફાર કર્યા છે. આવી સ્થિતિમાં, તમારા માટે શક્ય તેટલું જલ્દી તમારું આધાર કાર્ડ અપડેટ કરવું વધુ સારું રહેશે. તમે ઘરે બેસીને પણ મોબાઈલ દ્વારા તમારું આધાર અપડેટ કરી શકો છો… ચાલો જાણીએ પદ્ધતિ….

અપડેટ માટે આ દસ્તાવેજોની જરૂર પડશે

આધાર અપડેટ માટે, તમારે બે મહત્વપૂર્ણ દસ્તાવેજોની જરૂર પડશે. પહેલું ઓળખપત્ર અને બીજું એડ્રેસ પ્રૂફ. સામાન્ય રીતે, આધાર અપડેટ માટે આધાર કેન્દ્ર પર 50 રૂપિયાની ફી લેવામાં આવે છે, પરંતુ UIDAI અનુસાર, આ સેવા 14 જૂન સુધી મફત છે. તમે ઓળખના પુરાવા તરીકે PAN કાર્ડ અને સરનામા માટે મતદાર કાર્ડ આપી શકો છો.

ઘરે બેસીને આ રીતે અપડેટ કરો

મોબાઈલ કે લેપટોપથી UIDAIની વેબસાઈટ પર જાઓ. આ પછી અપડેટ આધારના વિકલ્પ પર ક્લિક કરો. હવે આધાર નંબર દાખલ કરીને OTP દ્વારા લોગિન કરો. આ પછી ડોક્યુમેન્ટ અપડેટ પર ક્લિક કરો અને વેરિફાઈ કરો. હવે નીચે આપેલ ડ્રોપ લિસ્ટમાંથી ઓળખ કાર્ડ અને સરનામાના પુરાવાની સ્કેન કરેલી નકલ અપલોડ કરો. હવે સબમિટ પર ક્લિક કરો. આ પછી તમને એક રીક્વેસ્ટ નંબર મળશે અને ફોર્મ સબમિટ કરવામાં આવશે. તમે વિનંતી નંબર પરથી અપડેટનું સ્ટેટસ પણ ચેક કરી શકશો. થોડા દિવસો પછી તમારું આધાર અપડેટ થઈ જશે.