પૂર્વે બોય ફ્રેન્ડે કારમાં એરટેગ લગાડી યુવતીનો પીછો કર્યો પણ એક મેસેજે ભાંડો ફોડયો
અમદાવાદ સાઇબર ક્રાઇમ પોલીસે તપાસ કરી સત્ય બહાર લાવ્યું
અમદાવાદમાં એરટેગથી યુવતીનો પીછો કરનાર પૂર્વ પ્રેમી સામે સાયબર ક્રાઈમમાં ફરિયાદ નોંધાઈ છે. યુવતીના ફોનમાં ‘એરટેગ ફાઉન્ડ મુવિંગ વિથ યુ’ના મેસેજ આવતા સમગ્રપ્રકરણનો ભાંડો ફૂટ્યો હતો.જે બાદ યુવતીએ તેના પૂર્વે બોયફ્રેન્ડ સામે સાયબર ક્રાઇમમાં ફરિયાદ નોંધાવતા સાયબર ક્રાઈમે તપાસ હાથ ધરી છે.
અમદાવાદમાં રિયલ એસ્ટેટના વેપાર સાથે સંકળાયેલી એક યુવતીપોતાની ઓડી કાર ચલાવી ઓફિસથી ઘરે જતી હતી ત્યારે તેના આઇફોન-13 પ્રો. મેક્ષમાં સતત એરટેગ ફાઉન્ડ મુવિંગ વિથ યુનો મેસેજ આવી રહ્યાહોય તેનો કોઈ પીછો કરતું હોવાની શંકાએ યુવતીએ કારના સર્વિસ સેન્ટર ખાતે જઈ તપાસ કરાવતા ચોંકાવનારી વિગતો સામે આવી હતી. ડ્રાઈવરની સીટના પાછળના ભાગે સીટની નીચે આ એર ટેગ મારફતે કોઈ યુવતીની ગતિવિધિ પર નજર રાખતું હોવાનું જાણવા મળ્યું હતું. યુવતીએ સાયબર ક્રાઇમમાં ફરિયાદ નોંધાવતા તપાસ કરવામાં આવતા તેના પૂર્વ પ્રેમી (એક્સ બોયફ્રેન્ડ)એ જ આ કારસ્તાન કર્યું હોવાનું સામે હતું. તેણે યુવતીની કારમાં એર ટેગ મૂક્યું હતું. તે આ એર ટેગની મદદથી યુવતીની ગતિવિધિ પર નજર રાખતો હતો.
આઈફોનના નોટિફિકેશનથી આરોપીનો ફૂટ્યો ભાંડો
યુવતીના આઇફોન-13 પ્રો. મેક્ષના મેસેજએ સમગ્ર પ્રકરણનો ભાંડો ફોડયો હતો એપલ કંપનીએ ‘એરટેગ’ નામની એક પ્રોડક્ટ વિકસાવી છે. જે બટન જેવી લાગે છે. એરટેગ આપણી સૂટકેસ, મહત્વની ફાઇલ્સ કે કારની કીચેઇન વગેરે સાથે ચોંટાડી શકાય છે. પછી તેને ગમે ત્યાંથી મેપ પર ટ્રેક કરી શકાય છે.
