E-KYC ઓન ધ સ્પોટ ! રેશનકાર્ડ ધારક અનાજથી વંચિત નહીં રહે, સ્થળ પર E-KYC કરી અનાજ અપાશે

Sun, May 18 2025

રાજકોટ જિલ્લામાં હજુ પણ 30 ટકા જેટલા રેશનકાર્ડ ધારકોનું ઈ-કેવાયસી બાકી છે ત્યારે ચાલુ મે માસમાં રેશનકાર્ડ ઘારકોનું ઈ-કેવાયસી પુર્ણ થયેલ હોય, તેઓને અનાજ વિતરણ કરવામાં આવશે અને જે રેશનકાર્ડ ધારકોનું ઈ-કેવાયસી બાકી હોય, તેઓને સ્થળ પર ઈ-કેવાયસી કરી અનાજ આપવામાં આવશે તેવું જિલ્લા પુરવઠા વિભાગે જાહેર કર્યું છે.

રાજકોટ જિલ્લામાં મે-માસ દરમિયાન અનાજનો ૧૦૦% જથ્થો ફાળવવામાં આવેલ છે. અને તે મુજબ વિતરણ પણ ચાલુ છે. જુન માસના વિતરણ દરિમયાન જે લાભાર્થીઓએ ઈ-કેવાયસી કરાવેલ હશે તેઓને અનાજ મળશે તે સુનિશ્વિત કરવામાં આવેલ છે.ઈ-કેવાયસીની મોટાભાગની કામગરી પુર્ણ થયેલ છે. જે લાભાર્થીઓને ઈ-કેવાયસીની કામગીરી બાકી છે તેઓને સ્થળ પર જ ઈ-કેવાયસી કરી અનાજ વિતરણ કરવામાં આવશે તેમ જિલ્લા પુરવઠા વિભાગ દ્વારા જાહેર કરવામાં આવ્યું છે.

તમે ઘર બેઠા પણ કરી શકો છો EKYC

સૌથી પહેલા ગૂગલ પ્લે સ્ટોર પરથી Mera KYC એપ ડાઉનલોડ કરો.
આ સાથે જ Aadhar Face ID એપ્લિકેશન પણ ઇન્સ્ટોલ કરો.
Mera KYC એપ ઓપન કરીને Allow બટન પર ક્લિક કરીને તમામ પરવાનગીઓ આપો.
હવે એક નવું પેજ ખુલશે, જ્યાં તમારું રાજ્ય પસંદ કરો.
હવે એક નવું પેજ ઓપન થશે, જ્યાં રાશન કાર્ડ લાભાર્થીનો આધાર કાર્ડ નંબર દાખલ કરીને ઓટીપી (OTP) વેરિફાય કરો.
હવે eKYC અથવા Face Recognitionનો ઓપ્શન મળશે. તેના પર ક્લિક કરો.
જ્યારે તમે Face Recognitionનો ઓપ્શન પસંદ કરો છો, ત્યારે તમારે તમારા કેમેરાનો ઉપયોગ કરીને ચહેરાને સિસ્ટમ સાથે મેચ કરો.
સિસ્ટમ દ્વારા ચહેરાની ઓનલાઈન ચકાસણી કરવામાં આવશે.
આમાં આંખો અને ચહેરાને વિવિધ બાયોમેટ્રિક પરિમાણોના આધારે ઓળખવામાં આવશે.
એકવાર સિસ્ટમ ચહેરાને ઓળખી લેશે, ત્યારે eKYC પ્રક્રિયા પૂર્ણ થઈ જશે.
વેરિફિકેશન પછી તમને કન્ફર્મેશન મેસેજ અથવા ઈમેલ પ્રાપ્ત થશે, જેનાથી પુષ્ટિ થશે કે તમારું રાશન કાર્ડ eKYC થઈ ગયું છે.