છેલ્લા 24 કલાકમાં પારડીમાં 8.19 ઈંચ વરસાદ: ગુજરાતમાં ચોમાસું 2026નો રિપોર્ટ જાહેર

આભ ફાટ્યું હોય એવો વરસાદ! છેલ્લા 24 કલાકમાં દક્ષિણ ગુજરાતમાં ધોધમાર બારિશ વરસી છે. વલસાડના પારડીમાં એકલા 8.19 ઈંચ વરસાદ નોંધાયો. રાજ્ય સરકારે ચોમાસું 2026નો સંકલિત રિપોર્ટ જાહેર કર્યો છે. રિપોર્ટ મુજબ રાજ્યમાં અત્યાર સુધીમાં 28.78% વરસાદ પડી ચૂક્યો છે. નર્મદા ડેમ 67% ભરાયો છે અને 8,324 લોકોનું સ્થળાંતર પણ કરવું પડ્યું છે.

રાજ્યમાં અત્યાર સુધી કેટલો વરસાદ? 

ગુજરાતમાં ચોમાસું 2026 સક્રિય થયું છે. રાજ્યમાં અત્યાર સુધીમાં સરેરાશ 261.59 મિમી એટલે કે 10.30 ઈંચ વરસાદ નોંધાયો છે. જે કુલ મોસમી સરેરાશના 28.78% છે.

ગયા 3 વર્ષની સરખામણીમાં આ વખતે વરસાદ ઓછો છે:

– 2023: 108.16% (948.06 મિમી) 

– 2024: 143.14% (1263.90 મિમી) 

– 2025: 128.57% (1133.75 મિમી)

ઝોનવાર વરસાદની સ્થિતિ 

દક્ષિણ ગુજરાતમાં સૌથી વધુ વરસાદ નોંધાયો છે.

– દક્ષિણ ગુજરાત: 43.36% – 668.65 મિમી. છેલ્લા 24 કલાકમાં જ 58.02 મિમી વરસાદ

– સૌરાષ્ટ્ર: 30.25% – 230.58 મિમી

– પૂર્વ-મધ્ય ગુજરાત: 19.69% – 161.24 મિમી 

– ઉત્તર ગુજરાત: 14.66% – 107.05 મિમી

– કચ્છ: સૌથી ઓછો 3.42% – 17.10 મિમી

તાલુકાવાર 16 તાલુકામાં 1000 મિમીથી વધુ અને 83 તાલુકામાં 126 થી 250 મિમી વરસાદ થયો છે.

આ પણ વાંચો: સ્ટેટ ઈમરજન્સી ઓપરેશન સેન્ટર – ગાંધીનગર ખાતે વેધર વૉચ ગ્રુપની બેઠક યોજાઈ

છેલ્લા 24 કલાકમાં ક્યાં સૌથી વધુ વરસાદ? 

રાજ્યના 32 જિલ્લાના 165 તાલુકામાં સરેરાશ 14.25 મિમી વરસાદ પડ્યો. સૌથી વધુ વરસાદ વલસાડ-નવસારીમાં:

– પારડી (વલસાડ): 208 મિમી (8.19 ઈંચ)

– ખેરગામ (નવસારી): 202 મિમી (7.95 ઈંચ) 

– નાનાપોંઢા (વલસાડ): 182 મિમી (7.17 ઈંચ)

– વાપી (વલસાડ): 182 મિમી (7.17 ઈંચ)

આજે 21 જુલાઈ સવારથી બપોર સુધીમાં પણ નવસારીના વાંસદામાં 4.57 ઈંચ અને ચિખલીમાં 3.90 ઈંચ વરસાદ નોંધાયો.

જળાશયો અને એલર્ટની સ્થિતિ 

ભારે વરસાદથી ડેમોમાં પાણીની આવક વધી છે.

– સરદાર સરોવર નર્મદા ડેમ: 67.77% ભરાયો. વોટર લેવલ 419.19 ફૂટ

– અન્ય 206 જળાશયો: 40.90% ભરાયા

– 100% ભરાયેલા ડેમ: 6

– 70-100% ભરાયેલા: 21

રાજ્યના 27 ડેમો માટે એલર્ટ જાહેર કરાયું છે. જેમાં 12 ડેમ હાઈ એલર્ટ પર છે. જેમાં અમરેલીના ધાતરવડી, ભાવનગરના શેત્રુંજી, સુરેન્દ્રનગરના વંસલ અને તાપીના દોસવાડા ડેમનો સમાવેશ થાય છે. દમણગંગા ડેમમાંથી 25,525 ક્યુસેક પાણી છોડાયું.

રાહત-બચાવ અને કૃષિ સ્થિતિ 

– NDRF: 11 ટીમ + 3 રિઝર્વ. SDRF: 24 પ્લેટૂન + 9 રિઝર્વ

– સ્થળાંતર: અત્યાર સુધીમાં 8,324 લોકોનું સ્થળાંતર. રેસ્ક્યૂ: 3,711 લોકો. સૌથી વધુ સુરત અને નવસારીમાં અસર

– રસ્તા: 224 રસ્તા બંધ. વલસાડમાં 110 અને નવસારીમાં 81 રસ્તા બંધ

– વીજ પુરવઠો: તમામ 3,402 ગામમાં વીજળી પૂર્વવત

કૃષિમાં પણ સારા સમાચાર છે. રાજ્યમાં 50.83 લાખ હેક્ટર (59.59%) માં ખરીફ વાવેતર પૂર્ણ થયું છે. કપાસ 78.71%, મગફળી 86.05% અને સોયાબીન 88.40% વાવેતર થઈ ગયું.

IMDની આગાહી 

હવામાન વિભાગે 21 થી 24 જુલાઈ સુધી માછીમારોને દરિયો ન ખેડવાની ચેતવણી આપી છે. આગામી દિવસોમાં દક્ષિણ ગુજરાત, ઉત્તર ગુજરાત અને પંચમહાલ-અરવલ્લીમાં છૂટાછવાયા સ્થળોએ ભારેથી અતિભારે વરસાદની શક્યતા છે.