વડોદરામાં કદાવર વૃક્ષ ધરાશાયી થતા ૩ લોકો દબાયા, ઘટનાસ્થળે લોકોના ટોળા ઉમટ્યા
હજુ તો ચોમાસું બેઠું પણ નથી ત્યાં વડોદરામાં વૃક્ષ ધરાશાયી થવાની ઘટના સામે આવી છે જેમાં કદાવર વૃક્ષ ધરાશાયી થતા ત્રણ લોકો દબાયા હતા. ભર ઉનાળે વૃક્ષ પડતા ઘટના સ્થળે લોકોના ટોળા ઉમટ્યા હતા. ત્યારે ફાયરની ટીમને ઘટનાની જાણ થતા તાત્કાલિક ઘટનાસ્થળે પહોંચી હતી અને રેસ્ક્યુની કામગીરી હાથ ધરીને ઈજાગ્રસ્તોને સારવાર અર્થે હોસ્પિટલ ખસેડવામાં આવ્યા હતા.
મળતી વિગતો અનુસાર આ ઘટના વડોદરાના લાલબાગ બ્રિજ પાસે આજે સવારે બની હતી જેમાં વિશાળ વડનું વૃક્ષ ધરાશાયી થતા એક રીક્ષા ચાલક સહિત ત્રણ જેટલા લોકો ઝાડ નીચે દબાયા સાથે એક કાર પણ દબાય ગઈ હતી.
વૃક્ષ ધરાશાયી થતા ઘટનાસ્થળે લોકોના ટોળા ઉમટ્યા હતા ત્યારે ફાયર બ્રિગેડની ટીમ દ્વારા રેસ્ક્યુ કામગીરી હાથ ધરવામાં આવી હતી.
ઘટનાની જાણ થતા સ્થાનિક કોર્પોરેટર, પોલીસકર્મી અને 108 ઘટના સ્થળે પહોંચી ગયા હતા. વૃક્ષ ધરાશાયી થતા લોકના ટોળા ઉમટ્યા હતા અને ટ્રાફિકજામની સ્થિતિ સર્જાઈ હતી. લોકોએ ઈજાગ્રસ્તોને બહાર કાઢવાના પ્રયાસો કર્યા હતા અને ઈજાગ્રસ્તોને 108 મારફતે સયાજી હોસ્પિટલ ખાતે ખસેડવામાં આવ્યા હતા.
