દબાણ હટાવ શાખાએ શહેરના વિવિધ વિસ્તારમાંથી 237 બેનરો કબ્જે કર્યા
રાજકોટ : રાજકોટ મહાનગરપાલિકાની દબાણ હટાવ શાખા દ્વારા એક સપ્તાહ દરમ્યાન રાજકોટ શહેરના જુદી જુદી વિસ્તારમાં દબાણ રૂપ 103 રેકડી-કેબીન, અન્ય ચીજવસ્તુઓ, શાકભાજી-ફળો જપ્તી તેમજ પશુઓને આપવામાં આવતો લીલો ઘાસચારો બોર્ડ-બેનરો વગેરે જપ્ત કરવાની કામગીરી કરી 2,25,945નો વહીવટી ચાર્જ વસુલ કરેલ હતો.
મહાનગર પાલિકાની દબાણ હટાવ શાખા દ્વારા તા.8થી 17 ઓગસ્ટ દરમિયાન શહેરના કોઠારીયા સોલવન્ટ, કોઠારીયા મેઈન રોડ,મવડી મેઈન રોડ,પુષ્કરધામ મેઈન રોડ,ભીમનગર મેઈન રોડ,રામાપીર ચોકડી,જ્યુબેલી માર્કેટ, જામનગર રોડ, ગુંદાવાડી, ગાયત્રીનગર મેઈન રોડ પાસેથી રસ્તા પર નડતર રૂપ 103 રેંકડી, કેબીન અને 237 બોર્ડ-બેનરો જપ્ત કરેલ હતા.
આ ઉપરાંત કોઠારીયા સોલવન્ટ, કોઠારીયા મેઈન રોડ,જ્યોતિનગર,નાણાવટી ચોક,પંચાયત ચોક,ગોવિંદબાગ,નાના મૌવા મેઈન રોડ,આનંદબંગલા ચોક ,અર્ટીકા,રવિરત્ન પાર્ક ,જામનગર રોડ,કોર્ટ ચોક,ગાયાત્રીનગર,હોસ્પિટલ ચોકડી પરથી જુદીજુદી અન્ય ૫૫૮ પરચુરણ ચીજ વસ્તુઓ જપ્ત કરવામાં આવેલ હતી, તેમજ જંક્શન રોડ,જ્યુબેલી,પંચાયત ચોક,રામાપીર ચોકડી,પુષ્કરધામ મેઈન રોડ,માધાપર રિંગ રોડ,લક્ષ્મિનગર નાલા પાસેથી ૮૫૯ કિલો શાકભાજી-ફળ જપ્ત કરવામાં આવેલ.
વધુમાં મહાનગર પાલિકા દ્વારા કોઠારીયા રોડ, સંતકબીર રોડ,પુષ્કરધામ મેઈન રોડ,નાણાવટી ચોક,રૈયા રોડ, મવડી વિસ્તાર, સ્વામીનારાયાણ ચોક ખાતેથી રૂ.1,75,145 મંડપ કમાન છાજલી ભાડુ વસુલ કરવા ઉપરાંત કોઠારીયા રોડ,મોરબી રોડ,ભાવનગર રોડ,કુવાડવા રોડ 80 ફુટ રોડ,અટિકા ફાટક,જામનગર રોડ,ટાગોર રોડ,આનંદબંગલા ચોક,મવડી મેઈન રોડ,આહિર ચોક પરથી રૂ.50,800 વહિવટી ચાર્જ વસુલ કરવામાં આવ્યો હોવાનું મહાનગર પાલિકાના દબાણ હટાવ શાખાના સત્તાવાર સૂત્રોએ જાહેર કર્યું હતું.
