ત્રીરંગાનું માન જાળવવાનું કોઈ નીરજ ચોપડા પાસે શીખે !
ભારતના સ્ટાર ભાલાફેંક ખેલાડી નીરજ ચોપડાએ એશિયન ગેમ્સમાં ગોલ્ડ મેડલ જીતી દેશના ગૌરવમાં વધારો કર્યા છે. જો કે નીરજે ગોલ્ડ મેડલ જ નહીં પરંતુ તીરંગાનું માન પણ કેવી રીતે રાખવું તે શીખવીને સૌના દિલ જીતી લીધા છે. મેચ પૂર્ણ થયા બાદ નીરજ ચોપડા ચાહકો સાથે વાતચીત કરી રહ્યો હતો. આ દરમિયાન તેમાંથી એકે નીરજ તરફ ભારતીય ત્રીરંગો ફેંક્યો જે તેનાથી દૂર પડવાનો હતો પરંતુ નીરજે ત્રીરંગાનું માન રાખવા માટે ઈજાની પરવા કર્યા વગર કૂદકો લગાવીને ત્રીરંગાને જમીન પર પડવા દીધો ન્હોતો. નીરજનો આ વીડિયો સોશ્યલ મીડિયા પર વાયરલ થઈ રહ્યો છે જે જોઈને તેના ભરપેટ વખાણ થઈ રહ્યા છે.
