ઑસ્ટ્રેલિયન ક્રિકેટરોનો કરાયો `લાઈ ડિટેક્ટર’ ટેસ્ટ !!
- ખોટું બોલતાં પકડાયા એટલે અપાયો વીજળીનો ઝટકો: કમીન્સ, મેક્સવેલ સહિતનું જુઠાણું પકડાયું
ઑસ્ટ્રેલિયન ક્રિકેટ ટીમના ખેલાડીઓનો કરાયેલો એક લાઈ ડિટેક્ટર ટેસ્ટ ચર્ચામાં આવ્યો છે. પેટ કમીન્સ, જોશ હેઝલવૂડ, મીચેલ માર્શ સહિતના ખેલાડીઓને આ ટેસ્ટ દરમિયાન વ્યક્તિગત જીવન સાથે જોડાયેલા તીખા સવાલ પૂછાયા હતા. આ ટેસ્ટ એક ઑસ્ટ્રેલિયન ટીવી ચેનલ દ્વારા કરાવાયેલા ફ્લેચ એન્ડ હિંડી શો દરમિયાન કરાયો હતો જેના નિયમ સ્પષ્ટ હતા કે સાચો જવાબ દેવા પર લીલા ઇદન ઉપર લાગેલી લાઈટ ઝબકશે અને જવાબ ખોટો હશે તો વીજળીનો કરંટ ખમવો પડશે.
પ્રથમ રાઉન્ડના સવાલ અત્યંત આસાન રહ્યા હતા જેમાં ખેલાડીઓને તેમનું નામ પૂછવામાં આવ્યું હતું. દરમિયાન કાંગારું ટીમના કેપ્ટન પેટ કમીન્સને પૂછવામાં આવ્યું કે શું બેઝબોલને વધુ પડતું પ્રચલિત નથી કરાતું ? આ સવાલનો જવાબ આપતાં કમીન્સે કહ્યું કે બેઝબોલ ખરેખર બકવાસ છે. ટે્રવિસ હેડને પૂછાયું કે વર્લ્ડકપના ફાઈનલ બાદ તેણે પાંચથી વધુ બોટલ બીયર પીધું હતું તો તેણે ના કહેતાં જ વીજ કરંટ અપાયો હતો. આ જ રીતે ઉસ્માન ખ્વાજાને પણ ઝટકા લાગ્યા હતા. આ જ રીતે માર્નસ લાબુશેન પણ ખોટું બોલતાં તેને ઝટકો મળ્યો હતો !