મેસ્સીની `મેજિક હેટ્રિક’થી આર્જેન્ટીના, એમ્બાપ્પેના બે ગોલથી ફ્રાન્સ જીત્યું
એક બાદ એક ચાર મુકાબલા રહ્યા રોમાંચક: ઈર્લિંગ હાલેન્ડે નોર્વેને જીતાડ્યું
ફિફા વર્લ્ડકપ-૨૦૨૬માં છઠ્ઠા દિવસે એક બાદ એક ચાર રોમાંચક મુકાબલા થયા હતા. ચાર મેચમાં લિયોનેલ મેસ્સીની હેટ્રિકથી લઈ કાઈલિયન એમબાપ્પે અને ઈર્લિંગ હાલેન્ડ જેવા ખેલાડીઓની દમદાર રમત જોવા મળી હતી. ફ્રાન્સ, નોર્વે અને આર્જેન્ટીના જેવી મજબૂત ટીમે એકતરફી જીત મેળવી હતી.
ફ્રાન્ચે વર્લ્ડકપનો પ્રારંભ જીત સાથે કર્યો હતો. ફ્રાન્સ સેનેગલને ૩-૧થી હરાવ્યું હતું. ફ્રાન્સ વતી કાઈલિયન એમબાપ્પેએ બે ગોલ કર્યા હતા. મેચની શરૂઆતથી જ બન્ને ટીમ આક્રમક રમત દાખવી રહી હતી. પ્રથમ હાફમાં એક પણ ટીમ ગોલ કરી શકી ન્હોતી. બીજા હાફની ૬૬મી મિનિટમાં માઈકલ ઓલિસે એમબાપ્પેને શ્રેષ્ઠ પાસ આપ્યો હતો જેને એમબાપ્પેએ ગોલમાં તબદીલ કર્યો હતો. આ ગોલ સાથે ફ્રાન્સ ૧-૦થી આગળ થયું હતું.
આ પણ વાંચો: સરકારે તાળું મારતા Telegram પહોંચી કોર્ટના દ્વારે: દિલ્હી હાઈકોર્ટમાં આજે સુનાવણી
મેચની ૮૨મી મિનિટમાં ફ્રાન્સ માટે સબસ્ટીટ્યુટ બ્રેડલી બારકોલાએ એડ્રિયન રૈબિયાટ તરફથી મળેલા પાસને ગોલ પોસ્ટ સુધી પહોંચાડતાં ફ્રાન્સનો સ્કોર ૨-૦થી થયો હતો. સ્ટોપેજ ટાઈમમાં સેનેગલ વતી ઈબ્રાહિમ એમબાયેનો શૉટ ડિક્લેફ્ટ થઈને ગોલ પોસ્ટ સુધી પહોંચતા સેનેગલનું ખાતું પણ ખુલ્યું હતું. જો કે એમબાપ્પેએ આગલી જ મિનિટમાં એક શાનદાર ગોલ કરી ફ્રાન્સનો સ્કોર ૩-૧ કરી દીધો હતો.
જ્યારે ડિફેન્ડિંગ ચેમ્પિયન આર્જેન્ટીનાએ ફિફા વર્લ્ડકપનો પ્રારંભ જીત સાથે કર્યો હતો. તેણે અલ્જીરિયાને ૩-૦થી હરાવ્યું હતું. કેપ્ટન લિયોનેલ મેસ્સીએ મેચમાં ત્રણ ગોલ કર્યા હતા. તેણે ૧૭મી મિનિટમાં પહેલો ગોલ કર્યો હતો. મેસ્સીનો ફિફા વર્લ્ડકપમાં આ ૧૪મો ગોલ હતો. બીજા હાફમાં ૬૦મી મિનિટ અને ત્યારપછી ૮૬મી મિનિટમાં ગોલ કરી ટીમને જીત અપાવી દીધી હતી.
જ્યારે નોર્વેએ ઈરાકને ૪-૧થી હરાવ્યું હતું. નોર્વે વતી ડેબ્યુ કરનાર એર્લિંગ હાલેન્ડે શ્રેષ્ઠ પ્રદર્શન કરતા બે ગોલ કર્યા જ્યારે ઓસ્ટિગાર્ડે પણ એક ગોલ કર્યો હતો.
