આજે અમદાવાદમાં IPLનો ક્વોલિફાયર-૧ મુકાબલો

હૈદરાબાદ-કોલકત્તા વચ્ચે સાંજે ૭:૩૦થી ટક્કર
બુધવારે અમદાવાદમાં બેંગ્લુરુ-રાજસ્થાન વચ્ચે જંગ જામશે

ક્રિકેટરસિકો જેની આતૂરતાથી રાહ જોઈને બેઠા છે તે આઈપીએલના પ્લેઑફની ચારેય ટીમ નક્કી થઈ ગયા બાદ આજથી નોકઆઉટ રાઉન્ડ શરૂ થશે. આજે આઈપીએલ ક્વોલિફાયર-૧ મુકાબલો રમાશે જેમાં કોલકત્તાની ટક્કર હૈદરાબાદ સામે થશે. આ મુકાબલો સાંજે ૭:૩૦ વાગ્યાથી અમદાવાદમાં રમાશે. આ મેચમાં જીતનારી ટીમ ફાઈનલ મુકાબલો રમશે. જ્યારે ક્વોલિફાયર-૧માં હારનારી ટીમને વધુ એક મેચ રમવાની તક મળશે અને તે ક્વોલિફાયર-૨ રમશે. જ્યારે રાજસ્થાન રોયલ્સની ટક્કર રોયલ ચેલેન્જર્સ બેંગ્લુરુ સામે એલિમિનેટરમાં થશે. આ મેચ જીતનારી ટીમ ક્વોલિફાયર-૨ મુકાબલો રમશે અને તેની વિજેતા ટીમ ફાઈનલ રમશે.
ઉલ્લેખનીય છે કે કેકેઆરની ટીમે ૧૯ પોઈન્ટ સાથે પહેલાંથી જ પ્લેઑફમાં પ્રથમ ક્રમ મેળવ્યો હતો. તે આઈપીએલ ઈતિહાસમાં પહેરી વખત ટોચ પ રહીને પ્લેઑફમાં એન્ટ્રી મેળવી છે. બીજી બાજુ રાજસ્થાન રોયલ્સ માટે રદ્દ થયેલી મેચ એકદમ જરૂરી હતી કેમ કે એ મેચમાં જીત મેળવી તે બીજા નંબરે રહી શકે તેમ હતી પરંતુ વરસાદે તેની આશા ઉપર પાણી ફેરવી દીધી છે. રાજસ્થાન પોતાના પાછલા ચારેય મુકાબલા હારી ચૂક્યું છે.