અનુપમ ખેરની ફિલ્મ ‘વિજય 69’ નેટફ્લીક્સ ઉપર થઇ રીલીઝ

અનુપમ ખેર અભિનીત ફિલ્મ Vijay 69 ઓટીટી પ્લેટફોર્મ Netflix પર રિલીઝ થઈ ગઇ છે.આ ફિલ્મમાં અનુપમ ખેરે 69 વર્ષીય વિજય મેથ્યુનું પાત્ર ભજવ્યું છે, જે આ ઉંમરે પોતાનું સપનું પૂરું કરવા માંગે છે. જો તમારું પણ કોઈ સપનું છે અને તેને પૂરું કરવા માંગો છો તો તમને આ ફિલ્મ ગમશે.

અનુપમ ખેર એક 69 વર્ષીય વ્યક્તિની ભૂમિકા ભજવી રહ્યા છે જે જીવનમાં પોતાને શોધવા માંગે છે, પોતાને અજમાવવા માંગે છે. આ માટે તેણે ઘણી તૈયારીઓ કરી છે. પરંતુ તેના પરિવારના સભ્યો આ માટે તૈયાર નથી. હવે 69 વર્ષની ઉંમરે, વિજય કેવી રીતે ટ્રાયથલોન સ્પર્ધામાં ભાગ લે છે જેમાં તેણે 1.5 કિલોમીટર તરવાનું હોય છે, થોડા કિલોમીટર દોડવાનું હોય છે અને પછી 40 કિલોમીટર સુધી સાયકલ ચલાવવાનું હોય છે. ફિલ્મને લોકોનો સકારાત્મક પ્રતિસાદ મળી રહ્યો છે. આ ફિલ્મમાં તેની સાથે ચંકી પાંડે પણ અભિનય કરતો જોવા મળે છે.

અનુપમ ખેરે જે રીતે વિજયનું પાત્ર ભજવ્યું છે તે વખાણવાલાયક છે. તેમણે 69 વર્ષમાં જે નિશ્ચય, જુસ્સો અને ઉર્જા બતાવી છે તે દરેક વ્યક્તિ કરી શકે તેવું નથી. આ ફિલ્મમાં તે આજની પેઢીના બાળકો સાથે પણ અદ્ભુત ટ્યુનિંગ કરતા જોવા મળે છે. ચંકી પાંડેએ પણ શાનદાર કામ કર્યું છે. તેના પાત્રને જોઈને આપણને લાગશે કે આપણને પણ આવા મિત્ર હોવા જોઈએ. લાંબા સમય પછી ગુડ્ડી મારુતિને સ્ક્રીન પર જોઈને સારું લાગે છે. તેમનું કાર્ય ખૂબ જ ઉત્તમ છે. મિહિર આહુજાએ પણ ખૂબ જ જોરદાર એક્ટિંગ કરી છે. તેણે પોતાના અભિનયથી ખૂબ જ પ્રભાવિત કર્યા છે.

આ ફિલ્મ પ્રેરણાદાયી ફિલ્મોમાંથી એક છે. આ ફિલ્મ તમને ઘણી પ્રેરણા આપશે. આ ફિલ્મ જોયા પછી તમે તમારા માતા-પિતાને વધુ પ્રેમ કરવા લાગશો. આ ફિલ્મ તમને તમારા માતા-પિતાના સપના વિશે વિચારવા મજબૂર કરશે. સાથે જ ફિલ્મ તમને ખૂબ જ ભાવુક કરી દેશે, તમારી આંખોમાંથી આંસુ આવી જશે. આવી ફિલ્મો માત્ર લોકોનું મનોરંજન કરતી નથી, તે લોકોને ઘણું બધું આપે છે અને આ બધી વસ્તુઓ આપણને બીજે ક્યાંય મળી શકે તેમ નથી.