અંગ્રેજોને રગદોળ્યા બાદ `રામભક્ત’ કેશવ મહારાજની ગજબ ઉજવણી

દક્ષિણ આફ્રિકાએ ડૈરેન સૈમી સ્ટેડિયમ પર ઈંગ્લેન્ડને સાત રને હરાવી ટી-૨૦ વર્લ્ડકપમાં પોતાનું શાનદાર પ્રદર્શન યથાવત રાખ્યું છે. આ રોમાંચક જીત બાદ સાઉથ આફ્રિકાના ડે્રસિંગ રૂમનાો વીડિયો સોશ્યલ મીડિયા પર વાયરલ થઈ રહ્યો છે. આ વીડિયોમાં તમામ ખેલાડી ઉર્જાથી ભરપૂર જોવા મળી રહ્યા છે અને જીતની ખુશી મનાવી રહ્યા છે. જો કે આ બધાની વચ્ચે ભારતીય મુળના આફ્રિકી ખેલાડી કેશવ મહારાજ પણ જોવા મળી રહ્યા છે જે વીડિયોમાં હાથ જોડીને બેઠા છે. એવું લાગી રહ્યું છે કે જીત બાદ તે રામ ભગવાનનો આભાર વ્યક્ત કરી રહ્યા હતા. મહારાજ શ્રીરામ અને હનુમાનજીના બહુ મોટા ભક્ત છે. તેણે આ મેચમાં મહત્ત્વપૂર્ણ યોગદાન આપતાં ૪ ઓવરમાં ૨૫ રન આપીને ૨ વિકેટ ખેડવી હતી.