રાજકોટ : ટ્રાફિક સમસ્યા માધાપર ચોકડી થી બેડી ચોકડી ટ્રાફિકજામ.. ત્રણ કિલોમીટર લાંબી લાઈનો.જુઓ

રાજકોટમાં બે સ્થળે ટ્રાફિક જામ સર્જાતાં ભારે અફડા તફડીનો માહોલ જોવા મળ્યો હતો. રાજકોટ-મોરબી રોડ પર બેડી ચોકડી  નજીક 4  કિલોમીટર લાંબો ટ્રાફિક જામ થયો હતો. રસ્તાનું રિપેરિંગનું કામ શરૂ થતાં એક તરફનો રોડ બંધ કરી દેવામાં આવ્યો હોય જેના કારણે ટ્રાફિક જ્યાં થયો હતો.

આ ટ્રાફિકજામથી લોકો ત્રાહિમામ પોકારી ઉઠ્યા હતા. માલીયાસણ તરફ જતો રસ્તો બિસ્માર બની જતાં નવો રોડ બનાવવાની કામગીરી શરૂ કરવામાં આવતા ટ્રાફિક જામ થયો હતો. બિસ્માર રસ્તાને કારણે બેડી ચોકડી આસપાસ અવાર-નવાર ટ્રાફિક જામના દ્રશ્યો સર્જાયા કરે છે. ટ્રાફિક જામ થતાં રસ્તા ઉપરથી પોતાના કામ પર જતા લોકો બેથી ત્રણ કલાક સુધી આ ટ્રાફિકજામમાં ફસાયા હતા. સવારનાથી અહીંયા ટ્રાફિકજામ સર્જાયો હતો. જેના કારણે લોકોને રાજકોટથી અમદાવાદ તેમજ મોરબી જવામાં મુશ્કેલીનો સામનો કરવો પડ્યો હતો. વાહનોની લાંબી લાગી હતી. ઘણા વાહનચાલકો રોંગ સાઈડમાં વાહન ચલાવ્યા હતા જેના કારણે ટ્રાફિક જામની સ્થિતિ વધારે વણસી હતી.  બેડી ચોકડીથી માધાપર સુધી ટ્રાફિક જામને કારણે આખો હાઈવે હોર્નના કર્કસ અવાજથી ગુંજી ઉઠ્યો હતો.

બીજી તરફ જામનગર રોડ સાંઢિયા પુલ પાસે પણ ટ્રાફિક જામ થયો હતો. વી.આઈ.પી.ઓની વ્યવસ્થામાં વ્યસ્ત અને ટ્રાફિક પોલીસ મોડે સુધી નહિ દેખાતા ટ્રાફિકની સ્થિતિ વણસી હતી. સવારે સાડા નવ દસ વાગ્યાના અરસામાં લોકો પોતાની રોજી-રોટી કામ કાજ માટે જઈ રહ્યા હતાં ત્યારે સાંઢિયા પુલ ઉપર ભયંકર ટ્રાફિક જામ સર્જાયો હતો. જે લગભગ એકાદ કલાક સુધી

રાબેતા મુજબ થઈ શક્યો નહોતો. એટલું જ નહિ આ ટ્રાફિક જામમાં આર્મીનું વાહન પણ ફસાઇ જતાં આર્મીના કેટલાક જવાનોએ પરિસ્થિતિ પામી જઇને ટ્રાફિક પોલીસની ગેરહાજરીમાં ટ્રાફિક વ્યવસ્થા પડી ભાંગી હતી. 108 પણ ફસાઈ હતી.  સાંઢિયા પુલની બન્ને બાજુ ટ્રાફિકની ભારે અફડાતફડી  ફેલાઇ હતી. સાંઢિયા પુલ બ્લોક થતાં લોકો ભોમેશ્વર રોડ તરફ બન્ને બાજુ વળ્યા હતાં. એક બાજુ વાહનોની લાંબી કતાર લાગી હતી.