યુપીમાં લવ જિહાદ માટે હવે આજીવન કેદની સજા

વિધાનસભામાં ખરડો પસાર; ધર્મ પરિવર્તન માટે પણ કડક સજા

આ વખતે યુપીમાં ભાજપ માટે લોકસભા ચૂંટણીના પરિણામો સારા રહ્યા નથી. તેમ છતાં સીએમ યોગી તેમના હિન્દુત્વના એજન્ડાને વળગી રહ્યા છે. કાવડ યાત્રામાં નેમ પ્લેટ લગાવવાના નિર્ણયને લઈને હજુ પણ વિવાદ ચાલુ છે. જો કે સુપ્રીમ કોર્ટે આના પર પ્રતિબંધ મૂક્યો છે. હવે યોગી સરકારે લવ જેહાદ પર નજર કરી છે, સરકારે યુપીમાં ગેરકાયદે ધર્મ પરિવર્તન અને લવ જિહાદ પર વધુ કડક સજા કરવાનો નિર્ણય લીધો છે. પ્રથમ વખત આ ગુનાઓમાં આજીવન કેદ સુધીની સજાની જોગવાઈ કરવામાં આવી છે. આ માટેનો ખરડો મંગળવારે વિધાનસભામાં પસાર થયો હતો.

યોગી સરકારે યુપી ગેરકાનૂની ધર્મ પરિવર્તન નિષેધ (સુધારા) બિલ 2024 વિધાનસભામાં રજૂ કર્યું. આમાં, પહેલાથી નિર્ધારિત ગુનાઓની સજા બમણી કરવામાં આવી છે. અન્ય કેટલાક ગુનાઓમાં આજીવન કેદની જોગવાઈ છે. 2017ની વિધાનસભા ચૂંટણીમાં યોગી સરકારે ‘લવ જેહાદ’ને ચૂંટણીનો મુદ્દો બનાવ્યો હતો.

ગુના અને સજા બંનેનો વ્યાપ વધારવાનો પ્રસ્તાવ
આને રોકવા માટે, વર્ષ 2020માં, યુપી દ્વારા ગેરકાયદેસર ધર્મ પરિવર્તનનો નિષેધ વટહુકમ પસાર કરવામાં આવ્યો હતો. 2021માં, તેને વિધાનસભામાં પસાર કરીને કાયદેસર બનાવવામાં આવ્યું હતું. આ કાયદા હેઠળ મહત્તમ 10 વર્ષની સજા અને 50,000 રૂપિયા સુધીના દંડની જોગવાઈ હતી. પ્રસ્તાવિત બિલમાં ગુનાનો વ્યાપ અને સજા બંને વધારવાની દરખાસ્ત કરવામાં આવી છે.