તારા પહેલા સાસરીવાળા મારકૂટ કરતા તો ત્યાં કેમ સહન કરતી? કહી પત્નીને મારકૂટ

કારખાનેદાર પરિવાર દ્વારા પૂરતું જમવા ન દઈ કે બીમારીમાં સારવાર પણ ન કરાવી ત્રાસ આપતા હોય પરિણીતાએ કંટાળી દવા પીધી: પોલીસે પતિ, સાસુ, સસરા, કાકાજી, કાકીજી સામે ગુનો નોંધ્યો

શહેરના કૃષ્ણનગર લાભુભાઈ એન્જિનિયરિંગ કોલેજ પાસે રાબડિયા હાઉસમાં રહેતા સાસરિયાઓ દ્વારા ત્રાસ આપી મારકૂટ કરી ત્રાસ ગુજારાતો હોવાના આરોપસર ટ્વિકલ (ઉં.વ.૩૪) નામની પરિણીતાએ પતિ વિજય પ્રહલાદભાઈ રાબડિયા, કારખાનેદાર સસરાર પ્રહલાદભાઈ, સાસુ રમાબેન તથા કાકાજી સસરા હેમંત જેરામભાઈ, કાકીજી સાસુ લતાબેન સામે મહિલા પોલીસ મથકમાં ફરિયાદ નોંધાવી છે.

ફરિયાદમાં મૂકાયેલા આરોપોમાં રાજકોટમાં પીયર ધરાવતી સ્વિંકલ અને વિજય બન્નેના બીજા લગ્ન છે. ટ્વિકલના નવ માસ પહેલા વિજય સાથે લગ્ન થયા હતા. વિજયને આગલા ઘરનો પુત્ર છે. બધા સંયુક્ત પરિવારમાં રહે છે. અઢી માસ જેવો સમય બરાબર ચાલ્યું, બાદમાં સાસુ ઘરકામ બાબતે ત્રાસ આપતા, મહેણાં મારતા કે તારો પતિ વિજય બુદ્ધિ વગરનો છે. આખો દિવસ રૂમમાં પડયો રહે છે. પતિ પણ પૈસા ન આપતા દવા લેવી હોય, કોઈ ખરીદી કરવી હોય તો પીયરેથી લઈ આવ, તારા ભાઈને કહે ગૂગલ પે કરી દે. કહી ઝઘડો કરી મારકૂટ કરતા હતા.

આ પણ વાંચો: વિરાણી ટ્રસ્ટની જમીનના વિવાદમાં પૂર્વ વિદ્યાર્થી નેતાની રિવિઝન અરજી નામંજૂર

પતિને દારૂ પીવાની ટેવ હોવાથી દારૂ પીને આવે અને માથાકૂટ કરી માર મારવા લાગતા. બધાની સામે માર મારતા. સાસુ અને કાકીજી સાસુ જમવાની વસ્તુઓ પણ સંતાડી દેતા હતા. સસરા બુદ્ધિ વગરની કહીને ટોણાં મારતા. પતિ મારકૂટ કરતા. પૂછે તો કહે કે પહેલા

સાસરીવાળા મારકૂટ કરતા હતા તો ત્યાં કેમ સહન કરતી એ અહીં પણ સહન કરવું પડશે. ડેન્ગ્યુ થઇ જતાં સારવારમાં લઇ જવાના બદલે ઢોંગ કરે છે કહી અને ખાવા-પીવાનું પણ ન આપતા. ઘરની દવા આપતા. સારું ન થતાં અંતે હોસ્પિટલે લઈ ગયા. વારંવાર માથાનો દુઃખાવો થતો હોવાથી તબીબે કહ્યું કે માનસિક તણાવ કે ત્રાસને લઈને આવું થાય છે. રૈયા ચોકડી પાસે દવા લેવા જતા ત્યારે મહિલા પીયરે જતી અને પૂરો દિવસ ત્યાં રોકાતી. પતિ ઝઘડા કરવા લાગતો કે ત્યાં કેમ રોકાઈ છો? સાસરિયાઓના ત્રાસને લઈને પરિણીતાએ દવા પીને આપઘાતનો પ્રયાસ કરતાં સારવારમાં ખસેડાઈ હતી. જે તે સમયે પરિણીતાએ ફરિયાદ ન નોંધાવી અને આરામ કરવા પીયરે આવી ગઈ હતી. પીયરે રહેતી ટ્વિંકલને સાસરિયા લેવા ન આવતા અને સમાધાન ન થતાં ત્રાસ, મારકૂટ સહિતના આરોપસર ફરિયાદ નોંધાવતાં આરોપમાં સત્ય અંગે પોલીસે તપાસ હાથ ધરી છે.