બસપોર્ટમાં બોલે તો વડાપાંઉ’, રૈયા રોડ પરમુંબઈ ઝાયકા’નું કશું ખાતાં જ નહીં !

તાજું ઓછું, વાસી ખાણું વધુ પકડાયું: બન્નેને ચોખ્ખાઈ જાળવવાની નોટિસ ફટકારી ફૂડ શાખા રવાના
મહાપાલિકાની ફૂડ શાખા દ્વારા રૈયા રોડ પર સદ્ગુરુ તીર્થધામ કોમ્પલેક્સના ગ્રાઉન્ડ ફલોર પર આવેલા મુંબઈ ઝાયકા'માં દરોડો પાડીને ચેકિંગ કરતાં ત્યાંથી છ કિલો વાસી ચિકન લોલીપોપ અને ચિકન બિરિયાનીનો જથ્થા પકડાતાં સ્થળ પર જ તેનો નાશ કરવામાં આવ્યો હતો. આ જ રીતે બસ પોર્ટમાં દુકાન નં.૭માંબોલે તો વડાપાંઉ’માં ચેકિંગ કરતાં ત્યાંથી પાંચ કિલો પીઝા પાસ્તા સોસ અને ચીલી ગાર્લિક સોસ પકડાતાં તેનો પણ નાશ કરાયો હતો. આમ બન્ને દુકાનમાંથી તાજું ઓછું અને વાસી ખાણું વધુ પકડાતાં બન્નેને ચોખ્ખાઈ જાળવવાની અને તાજું ફૂડ પીરસવાની નોટિસ ફટકારી ફૂડ શાખાએ વિદાય લીધી હતી !
આ જ રીતે રામકૃષ્ણ આશ્રમ મેઈન રોડ પર મ્યુ.કમિશનર બંગલા પાસે આવેલા માધવ આર્કેડમાં જય શિવ જલારામ એન્ટરપ્રાઈઝ (પાપા લુઈઝ પીઝા)માંથી લિક્વિડ ચીઝ અને તંદુરી પનીર પંચ પિત્ઝાનો નમૂનો લઈને પરિક્ષણ અર્થે લેબોરેટરીમાં મોકલવામાં આવ્યા હતા.
જ્યારે રેસકોર્સ ગ્રાઉન્ડ હોકર્સ ઝોન તેમજ ગોપાલ ચોકથી સાધુ વાસવાણી રોડ વિસ્તારમાં ખાણીપીણીનું વેચાણ કરતાં ૩૭ ધંધાર્થીઓને ત્યાં ચેકિંગ કરવામાં આવતાં ૧૮ પાસે લાયસન્સ ન હોવાનું ખુલતાં નોટિસ ફટકારાઈ હતી.