મવડીમાં કારખાનામાં કામ કરતાં યુવક સહીત 3ના હાર્ટ ફેઇલ
રાજકોટમાં હાર્ટ એટેકથી મોતનું પ્રમાણ વધ્યું છે.જેમાં ગઇકાલે મહિલા સહીત ત્રણ લોકોના હ્રદય રોગના હુમલાથી મોત થતાં પરિવારમાં અરેરાટી મચી જવા પામી છે.પ્રથમ બનાવમાં મવડી પાસે આવેલા પરફેક્ટ ફર્નિચરના કારખાનામાં સુનિલભાઇ પદુનાથ યાદવ ઉ.વ.૩૭, કામ કરી રહ્યા હતા ત્યારે તેમનું હાર્ટ એટેકથી મોત નીપજ્યું હતું.બીજા બનાવમાં સહકાર મેઇન રોડ પર કૃષ્ણજી સોસાયટી શેરી 3માં રહેતા ભારતીબેન મનસુખભાઈ ગજેરા ઉ.વ.59,રાત્રિના ઘરે સૂતા હતા ત્યારે તેમને આવેલો હ્રદય રોગનો હુમલો જીવલેણ સાબિત થયો હતો.અને ત્રીજા બનાવમાં દૂધસાગર રોડ પર રિદ્ધિ-સિદ્ધિ સોસાયટીમાં રહેતા તાજહુશેનભાઈ સલીમભાઈ શેખ ઉ.વ.26 સવારે તેમની ઓટો રિક્ષામાં બેઠા હતા ત્યારે હાર્ટ એટેક આવતા સિવિલ હોસ્પિટલે સારવારમાં ખસેડવામાં આવ્યા હતા.અને અહી ફરજ પરના તબીબોએ તપાસી મૃત જાહેર કર્યા હતા.આ ત્રણેય બનાવ મામલે પોલીસે નોંધ કરી જરૂરી કાગળો કર્યા હતા.
