રાજ્યસભાની ચુંટણી પહેલા કેવા ખેલ શરૂ થયા, શું થયું ? જુઓ
રાજ્યસભાની ચુંટણી પહેલા રિસોર્ટ પોલિટીક્સના ખેલ શરૂ
ક્રોસ વોટિંગની શંકાથી ઇન્ડી ગઠબંધનના 16 ધારાસભ્યો તેલંગણા પાર્સલ થશે
ઝારખંડમાં રાજ્યસભાની ચૂંટણી પહેલા રાજકીય ગતિવિધિઓ તેજ થઈ ગઈ છે. સૂત્રોના જણાવ્યા અનુસાર, મહાગઠબંધન એટલે કે ભારતીય રાષ્ટ્રીય કોંગ્રેસ, ઝારખંડ મુક્તિ મોરચા અને રાષ્ટ્રીય જનતા દળના ધારાસભ્યો તેલંગાણા શિફ્ટ થઈ શકે છે. અહીની 2 બેઠકો માટે સંઘર્ષ છે.
સૂત્રોના જણાવ્યા અનુસાર, મહાગઠબંધનના ધારાસભ્યોને મતદાનના એક દિવસ પહેલા ઝારખંડ પાછા લાવવામાં આવી શકે છે. રાજ્યસભાની ચૂંટણી માટે મતદાન 18 ઓગસ્ટે છે. ઝારખંડમાં એક બેઠક જીતવા માટે 28 ધારાસભ્યોના સમર્થનની જરૂર છે. મહાગઠબંધન પાસે કુલ 56 ધારાસભ્યો છે, જે બંને બેઠકો જીતવા માટે ગાણિતિક રીતે પૂરતા છે.
આ પણ વાંચો: `રામાયણ’ ભારતીય સિનેમામાં નવો ઇતિહાસ રચશે: કાજલ
જોકે, પરિમલ નથવાણીના પ્રવેશ પછી, કોંગ્રેસની ચિંતા વધી ગઈ છે અને ક્રોસ વોટિંગની આશંકાને ધ્યાનમાં રાખીને, ધારાસભ્યોને એકસાથે રાખવાની રણનીતિ પર કામ કરવામાં આવી રહ્યું છે. બીજી તરફ, NDA પાસે 24 ધારાસભ્યો છે, જેના કારણે રાજ્યસભાની ચૂંટણી પહેલા રાજકીય ગતિવિધિઓ વધી ગઈ છે.
એમપીની 3 જી બેઠક પણ ભાજપ લઈ શકે છે, , ક્રોસ વોટિંગનો ભય પરિમલ નથવાણીની એન્ટ્રી બાદ કોંગીની ચિંતા વધી
દરમિયાનમાં મધ્ય પ્રદેશમાં 3 બેઠકો માટે રસપ્રદ જંગ છે. જોકે ભાજપ દ્વારા એવો દાવો કરાયો છે કે 2 બેઠકો તો સ્યોર છે પણ ત્રીજી બેઠક પણ અમારા હાથમાંથી ક્યાંય જવાની નથી. અહીં કોંગ્રેસના ઉમેદવાર મીનાક્ષી નટરાજન મેદાનમાં છે. જો કે કોંગ્રેસનું ક્રોસ વોટિંગ થવાની પૂરી સંભાવના દેખાઈ રહી છે. ભાજપે પહેલા જ 2 સીટ માટે ઉમેદવાર જાહેર કરી દીધા છે. ત્રીજી સીટ પર પણ ઉમેદવાર ઉતારી દીધા છે. એમનું નામ મહેશ કેવટ છે.
