ભારતીય સેનાની તાકાતમાં થશે વધારો, સીમામાં ઘૂસીને ઘાતક હુમલો કરવા આ હેલિકોપ્ટરનો સમાવેશ કરાશે
ભારતીય સેનાની તાકાતમાં ટૂંક સમયમાં વધારો થશે, જે દુશ્મનની કિલ્લેબંધીને ભેદવામાં માહિર છે. હવાથી જમીન પર પ્રહાર કરતી મિસાઈલ, બંદૂકો અને રોકેટથી સજ્જ હેલિકોપ્ટર ભારતીય સેનામાં ટૂંક સમયમાં AH-64E અપાચે કોમ્બેટનો સમાવેશ કરવાની તૈયારીઓ ચાલી રહી છે, આર્મી રૂ.5,691 કરોડના સોદા હેઠળ 6 હેવી-ડ્યુટી અપાચે કોમ્બેટ હેલિકોપ્ટરને સામેલ કરવાની તૈયારી કરી રહી છે.
AH-64E અપાચે એટેક હેલિકોપ્ટર હવાથી હવામાં પ્રહાર કરનારી મિસાઈલો, ફેબ્રુઆરી 2020માં અમેરિકા સાથે આ અંગેનો કરાર થયો હતો. અપાચે હેલિકોપ્ટરને ‘ટેન્ક ઇન ધ એર’ તરીકે પણ ઓળખવામાં આવે છે. AH-64E અપાચે કોમ્બેટ હેલિકોપ્ટર આવતા વર્ષે ફેબ્રુઆરી અને જૂન વચ્ચે આપવામાં આવશે.
અપાચે હેલિકોપ્ટરની શું છે ખાસિયત ?
અપાચે હેલિકોપ્ટર ઘણું ઘાતક છે અને તેના અધિગ્રહણ બાદ ભારતીય સેનાની તાકાતમાં નોંધપાત્ર વધારો થશે. સેનાના એક વરિષ્ઠ અધિકારીએ કહ્યું કે, અપાચે વિવિધ પ્રકારના હથિયારો લઈ જવા માટે સક્ષમ છે. જેમાં હેલફાયર અને સ્ટિંગર મિસાઈલ તેમજ હાઈડ્રા રોકેટ સામેલ છે. હેલિકોપ્ટર 1,200 રાઉન્ડ સાથે 30 MM ચેઇન ગનથી પણ સજ્જ છે. 360 ડિગ્રી કવરેજ સાથે AH-64E અપાચે એટેક હેલિકોપ્ટરની ફાયરપાવર વધુ વધે છે. નાઇટ વિઝન સિસ્ટમ માટે નોઝમાઉન્ટેડ સેન્સર સ્યુટ છે જે તેની ક્ષમતાઓને વધુ વધારે છે.
સૌથી ઘાતક હેલિકોપ્ટર
આ હેલિકોપ્ટર દિવસ-રાત અને કોઈપણ હવામાનમાં કામ કરી શકે છે. આ હેલિકોપ્ટરને એવી રીતે ડિઝાઇન કરવામાં આવ્યું છે કે તેને રડાર પર પકડવું મુશ્કેલ બની શકે છે. AH-64E અપાચે કોમ્બેટ હેલિકોપ્ટરની ગણતરી વિશ્વના સૌથી ઘાતક હેલિકોપ્ટરમાં થાય છે. તે મિસાઈલોની સાથે સાથે ઘણી હાઈ-ટેક ટેક્નોલોજીથી સજ્જ છે. તેનો ઉપયોગ કોઈપણ મુશ્કેલ ઓપરેશન માટે થઈ શકે છે. આ હેલિકોપ્ટરની સાથે IAFએ 8,048 કરોડ રૂપિયામાં 15 હેવી-લિફ્ટ ચિનૂક હેલિકોપ્ટરનો સમાવેશ કર્યો છે.
નૌકાદળને ફેબ્રુઆરી 2020માં MH-60 રોમિયો મલ્ટિ-મિશન હેલિકોપ્ટરની પ્રથમ બેચ રૂ. 15,157 કરોડના સોદા હેઠળ મળી હતી. અમેરિકન એરોસ્પેસ કંપની બોઇંગે ભારતીય સેના માટે અપાચે કોમ્બેટ હેલિકોપ્ટરનું ઉત્પાદન શરૂ કરી દીધું છે. કંપની ભારતીય સેનાને કુલ 6 AH-64E અપાચે હેલિકોપ્ટર આપવાની છે. અપાચે હેલિકોપ્ટર વિશ્વના સૌથી હાઇટેક કોમ્બેટ હેલિકોપ્ટરમાંથી એક છે. યુએસ આર્મી આ હેલિકોપ્ટરનો ઉપયોગ કરે છે. આવતા વર્ષે 6 નવા અપાચે હેલિકોપ્ટરને ભારતીય સેનામાં સામેલ કરવામાં આવશે.
