માઉન્ટ આબુ જતો રસ્તો 9 મહિના માટે બંધ રહેશે

-સ્થાનિક પોલીસે જાહેરનામુ બહાર પાડીને માઉન્ટ આબુ અને અંબાજી જવા માટે  વૈકલ્પિક રૂટ જાહેર કર્યો

ગુજરાતીઓનાં  એકમાત્ર ફેવરિટ હિલ સ્ટેશન માઉન્ટ આબુ જવા માટે હવે થોડું લાંબુ ચક્કર લગાવવું પડશે કારણ કે, અંબાજીથી આબુ રોડ સુધીનો રસ્તો વિકાસ કાર્યોને લીધે 9 મહિના સુધી બંધ રહેશે. આ માટે તંત્રએ વૈકલ્પિર રુટની પણ જાહેરાત કરી છે. જેથી હવે માઉન્ટ આબુ તેમજ અંબાજી મંદિરે દર્શન કરવા જતા શ્રદ્ધાળુઓને  વૈકલ્પિક રુટ પરથી પસાર થવું પડશે.

પ્રાપ્ત માહિતી અનુસાર, ગુજરાત પવિત્ર યાત્રાધા વિકાસબોર્ડ અંતર્ગત અંબાજી મંદિરના વિકાસકાર્યો હાથ ધરાયા છે. અંબાજી પંથકમાં ઠેર ઠેર વિકાસકામ ચાલી રહ્યાં છે. જેની સીધી અસર અહીથી પસાર થતા વાહનોને પડશે. લગભગ 9 મહિના સુધી આ રુટ પરના કેટલાક રસ્તા બંધ રહેશે. જેની સીધી અસર અંબાજી આવતા શ્રદ્ધાળુ અને આબુ જતા પ્રવાસીઓ પર થશે. તેથી અંબાજી ટાઉનમાંથી પસાર થતા ભારે વાહનોના ટ્રાફિકને આબુ રોડથી ડી.કે.ત્રિવેદી સર્કલ (હડાદ અને દાંતા) તરફ વાળવા અને રસ્તો બંધ કરવા તથા જુના નાકા અંબાજીથી અંબાજી આબુરોડ સુધી અંબાજી ટાઉનને જોડતો રસ્તો પણ બંધ કરવા અને ડાયવર્ઝન અંગેનું જાહેરનામું બહાર પાડવામાં આવ્યું છે.

આ પણ વાંચો: સૌરાષ્ટ્ર યુનિવર્સિટી દ્વારા નવા અભ્યાસક્રમો શરુ થશે

આટલા રસ્તા બંધ રહેશે

ડી. કે. ત્રિવેદી સર્કલથી ગબ્બર સર્કલ સુધીઃ ૧૨ મીટરથી વધુ લંબાઈ ધરાવતા અને બે કે તેથી વધુ એક્સલવાળા ભારે વાહનો

તેમજ ૧૫ મીટરથી વધુ લંબાઈના આર્ટીક્યુલેટેડ વાહનો માટે આ માર્ગ ૨૮/૦૨/૨૦૨૭ સુધી  સવારે ૭:૦૦ વાગ્યા થી રાત્રે ૧૦:૦૦ વાગ્યા સુધી બંધ રહેશે.

વૈકલ્પિક અવર-જવરના રૂટ

1. આબુરોડથી અંબાજી તરફ આવતા ભારે વાહનોને આબુરોડથી જ સીધા પાલનપુર તરફ ડાયવર્ટ કરવાના રહેશે. .

2. હિંમતનગર તરફથી અંબાજી આવતા ભારે વાહનોને ડી.કે.ત્રિવેદી સર્કલ (ખોડીવલી) થી દાંતા થઈને પાલનપુર તરફ વાળવાના રહેશે.

3. ભાદરવી પૂનમ મહામેળા માટે ખાસ વૈકલ્પિક માર્ગ: મેળા દરમિયાન અતિશય ટ્રાફિકને નિયંત્રિત કરવા માટે ભારે વાહનોને હડાદ પોશીના (સાબરકાંઠા) દાણબોરા(રાજસ્થાન) → નીચલાગઢ (રાજસ્થાન) આબુરોડ વાળા રૂટ પર ડાયવર્ટ કરવાના રહેશે.

જૂના નાકા અંબાજીથી અંબાજી-આબુ રોડ: આ જોડાતો રસ્તો તમામ પ્રકારના ટ્રાફિક અને જાહેર/પદયાત્રીઓની અવરજવર માટે  ૧૫/૦૯/૨૦૨૬ સુધી સંપૂર્ણપણે બંધ રહેશે. તેથી જૂના નાકા અંબાજીથી અંબાજી-આબુ રોડ માર્ગના વિકલ્પે અંબાજી ટાઉનના અન્ય માર્ગોનો ઉપયોગ કરવાનો રહેશે.