કાશ્મીરી પંડિતોને એક દસકા બાદ ફરી આતંકવાદીઓની ધમકી

દરેક હિલચાલ ઉપર નજર હોવાનું પત્રમાં લખ્યું; લશ્કર-એ-તૈયબાના સાથી યુનાઇટેડ લિબરેશન કાઉન્સિલ દ્વારા ધમકી પત્ર મોકલાયાની શંકા; હીટલિસ્ટ બનાવ્યું

આતંકવાદીઓએ કાશ્મીરી પંડિતોને એક દશક બાદ ફરી ધમકી આપી છે અને લેટર મોકલી ધમકી આપી છે, લેટર પણ નામ સાથે સરનામુ પણ મોકલવામાં આવ્યું છે, લેટરમાં કાશ્મીરી પંડિતોના મકાન નંબર અને શેરીના નંબરનો ઉલ્લેખ કરવામાં આવ્યો છે, પુરા એડ્રેસ સાથે ડિટેલમાં સ્ટેમ્પ સહિતની વસ્તુઓ લગાવીને પત્ર મોકલવાની  પ્રોસેસ કરવામાં આવી છે, એટલે કે આતંકવાદીઓએ કોઈ પણના ડર વગર કાશ્મીરી બ્રાહ્મણોને ધમકાવ્યા છે અને ખરાબ પરિણામ ભોગવવાની પણ ચેતવણી આપી છે.  આતંકીઓએ હીટલિસ્ટ બનાવ્યું છે.

આતંકવાદીઓએ લેટરમાં લખ્યું કે કાશ્મીરી પંડિતો ગદ્દાર છે અને દિલ્હીમાં સરકારમાં બેઠેલા તેમના આકાઓના ઈશારે કામ કરી રહ્યા છે. જે કાશ્મીરી પંડિતો જમ્મુ અને કાશ્મીર છોડ્યા નથી, તેમણે પોતાને સુરક્ષિત માનવું જોઈએ. જો કે, જે લોકો જમ્મુ અને કાશ્મીર છોડીને ગયા છે તેઓ RSSના એજન્ટ બની ગયા છે અને RSSના એજન્ડાને આગળ વધારી રહ્યા છે. અમે અગાઉ ચેતવણી આપી છે, અને ધ્યાનમાં રાખો કે કાશ્મીરી પંડિતોની દરેક હિલચાલ પર નજર રાખવામાં આવી રહી છે.

આ પણ વાંચો: 1998માં થયેલા 23 કાશ્મીરી પંડિતોના ક્રૂર નરસંહારની તપાસ ફરી શરૂ

કાશ્મીર પોલીસ અને વહીવટી અધિકારીઓ કહે છે કે પત્ર પર અહેમદ બિલાલ નામના વ્યક્તિના હસ્તાક્ષર છે. બે પત્રો મોકલવામાં આવ્યા છે, પરંતુ તેમને કોણે અને ક્યાંથી મોકલ્યા તે અંગે હજુ સુધી કોઈ સબુત મળ્યો નથી. તેઓ ટૂંક સમયમાં શોધી કાઢશે.

શરૂઆતની તપાસ મુજબ, આ લેટર લશ્કર-એ-તૈયબાના સાથી યુનાઇટેડ લિબરેશન કાઉન્સિલ દ્વારા મોકલવામાં આવ્યો હતો, જે કાશ્મીરી પંડિતોને ધમકાવી અને ધમકાવી રહ્યું છે. અગાઉ, કાશ્મીરી પંડિતોને ફોન નંબરોવાળા ધમકીભર્યા પત્રો મોકલવામાં આવ્યા છે.

કાશ્મીરી પંડિતો કોણ છે, તેઓ શા માટે સ્થળાંતરિત થયા?

કાશ્મીરી પંડિતો કાશ્મીરના વતની છે અને હિન્દુ સમુદાયના છે, જે સારસ્વત બ્રાહ્મણ સમુદાયના છે. 1990ના દાયકામાં, આતંકવાદ અને હિંસાના કારણે લાખો કાશ્મીરી પંડિતોને કાશ્મીર છોડીને ભાગી જવાની ફરજ પડી હતી.  છોડીને ભાગી ગયા પછી, તેઓ જમ્મુ, દિલ્હી અને દેશના અન્ય શહેરોમાં સ્થાયી થયા. આજે પણ, લાખો કાશ્મીરી પંડિતો નિર્વાસિત જીવન જીવે છે અને કાશ્મીર પાછા ફરવાના વિચારથી પણ ડરે છે.