અર્થતંત્રના ગુલાબી દિવસો, વડાપ્રધાને કેવો આશાવાદ દર્શાવ્યો ? વાંચો

ગિફ્ટસિટીના એક કાર્યક્રમને વર્ચ્યુઅલ સંબોધન કરી વડાપ્રધાને કહ્યું, સુધારાના પગલાંથી દેશ આગળ વધ્યો

વોઇસ ઓફ ડે નવી દીલ્હી

આર્થિક મોરચે ભારતે કોરોના મહામારીથી બહાર આવીને અનેક પડકારોનો સફળતાપૂર્વક સામનો કરનારી દુનિયાની સૌથી તેજીથી આગળ વધતી અર્થવ્યવસ્થાની ઉપલબ્ધિ હાસિલ કરી છે. એટલું જ નહીં ભારતે વિકસિત દેશોની સાથે-સાથે વિકાસશીલ દેશોની વચ્ચે પણ પોતાની અલગ ઓળખ ઊભી કરી છે. ગાંધીનગર ખાતે ગિફ્ટસિટીના એક કાર્યક્રમને વર્ચ્યુઅલી સંબોધન કરતાં મોદીએ એવો વિશ્વાસ દર્શાવ્યો હતો કે મારા શાસનની ત્રીજી ટર્મમાં અર્થતંત્ર 3 ટ્રિલિયન ડોલરનું બની જશે. એટલે 2030 સુધી ભારત આ સિધ્ધી મેળવશે. દુનિયાની ત્રીજી સૌથી મોટી અર્થવ્યવસ્થા બની જશે.

એમણે કહ્યું કે વર્ષ 2023માં ભારતીય અર્થવ્યવસ્થાએ નવી સિદ્ધિ મેળવી છે. ચાલુ નાણાકીય વર્ષનાં પહેલા 6 મહિનામાં ભારતની જીડીપીમાં 7.7%ની વૃદ્ધિ જોવા મળી છે. ઈકોનોમિક ઉપલબ્ધિ મેળવ્યા બાદ ખુદ મોદીએ આ અંગે પ્રતિક્રિયા આપતાં કહ્યું તે દેશની મજબૂત થઈ રહેલી અર્થવ્યવસ્થા અને છેલ્લાં 10 વર્ષોમાં કરવામાં આવેલા પરિવર્તનકારી સુધારાઓનું આ પ્રતિબિંબ છે.

સરકારની ઉચ્ચતમ નીતિઓ અને લોકોનાં શ્રેષ્ઠ પ્રતિસાદે ભારતને ફરી દુનિયાની મજબૂત ઈકોનોમી બનાવી દીધું છે. તેના લીધે દુનિયાભરમાંથી રોકાણકારો ભારતમાં પૈસા લગાવી રહ્યાં છે. તેનાથી ભારતીય શેરબજાર રેકોર્ડ હાઈ પર પહોંચ્યો છે. નિફ્ટીએ પહેલી વખત 21હજારનો આંકડો પાર કર્યો છે. ભારતમાં રોકાણ વધવાને લીધે અર્થવ્યવસ્થાની સાઈઝ પણ તેજીથી વધી રહી છે. S&P ગ્લોબલ રેટિંગ અનુસાર ભારત 2030 સુધી દુનિયાની ત્રીજી સૌથી મોટી અર્થવ્યવસ્થા બની જશે અને નાણાકીય વર્ષ 2026-27માં દેશની જીડીપીની વૃદ્ધિ 7% પર પહોંચવાનો અનુમાન પણ છે. હાલમાં ભારત અમેરિકા, ચીન, જર્મની અને જાપાન બાદ દુનિયાની પાંચમી સૌથી મોટી અર્થવ્યવસ્થા છે.

2023ની દેશની જો સૌથી મોટી ઉપલબ્ધિની વાત કરવામાં આવે તો ભારત દુનિયામાં ચીન બાદ મેન્યુફેક્ચરિંગ હબ તરીકે ઉપર આવ્યું છે. મેક ઈન ઈન્ડિયાને પ્રોત્સાહન આપવાથી મોબાઈલ મેન્યુફએક્ચરિંગ, ઑટોમોબાઈલ મેન્યુફેક્ચરિંગ, ટેક્સટાઈલ સહિત તમામ સેક્ટરમાં ભારતે દુનિયામાં પોતાની આગવી ઓળખ બનાવી છે. ચીનથી નિકળીને હજારો કંપનીઓએ ભારતમાં પોતાનો વેપાર શરૂ કર્યો છે. સરકારની PLI સ્કીમને લીધે દુનિયાભરની કંપનીઓએ ભારતમાં પોતાનું પ્રોડક્શન પ્લાંટ ખોલ્યું છે.